ESA mai digitaki talega o Frank Lomani na halfback ni Fiji Airways Drua, Flying Fijians kei Melbourne Rebels ki na timi ni Barbarians ena sota kei Argentina ena Siga Tabu qo.
E marautaka sara vakalevu o Lomani na lako vinaka ni qito rakavi ena loma ni yabaki qo ni oti takega na nona a saini ena timi ni Melbourne Rebels ni bera ni qai tomani iratou na timi ni Drua ena sotasota ni Autralian Rugby Championship ka a lewena talega na timi ni Flying Fijians ena nodratou vakadruka na timi ni Varanise ena 21 kei 14.
Sa na veitomani tiko o Lomani kei na vica na yaca vou ena timi ni Barbarians me vakataki Wyatt Crockett mai na timi ni All Blacks kei Tommaso Benvenuti na wigi ni timi ni Itali.
E rau na sota tiko na timi ni Barbarians kei na timi ni Argentina ena veimama ni tolu (3.30am) ena mataka ni Siga Tabu.
