SA i koya oqo na i kuri ni i vola nei Basilio Kalokalodromu.
Ni tei wiliwili sara yani:
Na Kalou e vakayagataka e tolu na Parofita e na nona gadreva me ra lako tani mai na qarava na Kalou ni vei matanitu, e ra tu veivolekati tu.
Ni sa vo e duanadrau (100) na yabaki me ra qai kau vakabobula ki Papiloni, sa parofisai ko Aisea 39:6 ?Raica sa lako mai na gauna e na kau tani kina ki Papiloni na ka kecega sa tu e na nomu vale, kei na ka era sa binia na nomu qase ka yacova na siga oqo, e na sega ni vo e dua na ka, sa kaya na Turaga.
Maika 4:10 ?Mo yaluma mada, mo vakasucu, ko iko na goneyalewa ni Saioni, me vaka na yalewa sa taratara, ni ko na qai lako tani e na koro, ia, ko na la?ki tiko mai vanua, ia, ko na yco sara ki Papiloni, ia, ko na vakabulai kina, ia, e na vakabulai na Kalou.?
Jeremaia 25:11 ?Ia, na vanua taucoko oqo e na lala tu ga, ka vakurabuitaki, ka ra na qaravi Tui Papiloni na vei matanitu oqo ka vitusagavulu na yabaki.? (12) ia, ni sa oti na yabaki e vitusagavulu, kau na qai cudruvi Tui Papiloni kei na matanitu koya, sa kaya na Turaga, e na vuku ni nodra caka cala, kei na nodra vanua talega na kai Kalatia, ka vakalailaitaka ka sega ni mudu, sa kaya na Turga.?
Kemuni na veiwekani e na yasana e tinikava, au gadreva mo ni kila na noda Kalou, e sega ni veisau.
Iperiu 13:8 ?Sa i koyakoya tikoga ko Jisu Karisito, e na siga sa oti, kei na siga e daidai kei na vei siga e muri.
Kemuni na veiwekani, au kerea me?u na dusimaka eke na veika au sa vakaraitaka mai cake, oqo me i dusidusi ki na i tutu ni veiliutaki, e vakaliuca na bula vakailavo, e na vakaleqa na nona vanua.
Eda raica na bibi ni vakatulewa, e ra vakayacora na noda veiliutaki, e vakatau kina na noda veisiga ni mataka.
Au kerea me da na vuli mai e na veika au sa vakaraitaka mai cake me baleti rau na matanitu veiwekani, ni ca ni vakatulewa era cakava na Tui, e rau talaraki sara ga mai na vanua a solia na noda Kalou me rau taukena.
Me?u vakananumi keda ni da lako mai na kawa ni rua na matanitu oqori.
Ena qai kuri tale yani
