NIU qai davo tu e loma ni vale mai Wailea, au sa vakila sara tu ga na kui ni wai e na neitou ruku ni vale kei na yavavala ni loma ni vale.
Isa Turaga, na cava beka e mai tauvi au tu kina na mate vakaloloma oqo.
Oqori na veika e cauraka toka mai o Sekonaia Kotobalavu e na nona dela ni davodavo e na nona vale vou mai Kalabu e Nasinu e na siga Tusiti.
E kaya o Kotobalavu ni a tauvi koya sara ga vakasakasaka na mavoa ka sa mai kauta laivi keca na nona gagadre ni cakacaka e na yabaki 2002 e na koro ko Vitina, Dogotuki e na tikina o Macuata mai Vanua Levu.
Tomana ni ratou a la?ki sisili kei na so na nona i tokani ni bera ni qai sisi na yavana ka dokaulu lesu tale ki wai.
?Na gauna au tau kina ki wai, au sa vakila sara ga na tamoi ni domoqu ni keirau a sota mamaca sara ga kei na dua na vatu levu mai loma ni wai.
?Au qai saga me?u laveta cake na ligaqu sa sega ni qai rawa, ka vinaka ga ni gole yani e dua na gone keirau a vuli vata mai ka vueti au mai loma ni wai.
?Mai kea sara ga sa sega tale ni qai yavala e dua na tiki ni yagoqu mai domoqu ka kauta sobu,? kaya o Kotobalavu.
Kuria na cauravou yabaki 36 oqo ni oti ga oya e ratou sa cicivaki koya sara e na valenibula mai Nadogo ni bera ni qai vukataki sara mai ki Suva.
Tomana ni mai vula walu ga e na valenibula mai Tamavua ni bera ni vakau lesu tale ki Vanua Levu.
E kaya o Kotobalavu ni nona davo tu oya me yacova sara ga mai na gauna qo.
Kuria na cauravou ni koro ko Tovu mai na yanuyanu ko Totoya e na yatu Lau, ni gauna e ratou sa mai tiko kina e Wailea, e sega ni cegu na nona volavola ki na veitabana ni veivuke ke rawa ni dua na nona vale.
?Kalougata sara na lotu lalai e bau toka vei au ni keirau sota kei na dua na wekaqu o Alisha Martin, mai na yanuyanu ko Avea mai Vanuabalavu e na yabaki 2014.
?Na marama qo e sa qai vakauqeti au ka vakavuna me?u vola sere ka se qai katoni oti ga oqo e 4 na neitou sere.
?Yaco na gauna au la?ki peresitedi e na i soqosoqo ni tabagone ka keimami lewe 44 na lewena,? kaya o Kotobalavu.
Tomana ni kalougata sara vakalevu ni rau qai sota kei Paul Mcgoon mai na Spinal Injury ka yalataka vua ni na saga e dua na nona vale.
E mai vakavatukanataki na nona tatadra o Kotobalavu e na siga Vakarauwai na i ka 3 ni siga e na vula ga oqo e na gauna e sa taura kina na nona ki ni vale ka kena i sau vakailavo e $24,108.
Sa vakavinavinaka talega vakalevu o Kotobalavu ki vei iratou na tabana ni Idinia ni Mataivalu e na veivuke e na nodratou tara na nona vale ka vakakina o iratou na i Taukei ni qele e Kalabu na Mataqali o Matanikorovatu, e na nodratou solia vakailoloma na tiki ni qele e sa mai toka vinaka kina ko Kotobalavu kei rau na nona i tubutubu e na gauna oqo.
