Na meke parofisai ka vakaraitaki vei Ratu Meli Rosauturaga na Tui Navitilevu sa bale e na nodra dau veitalanoa votu kei rau na Ciri se o rau na veitacini oya ko Cirinakaumoli kei Nakausabaria e na gauna e sa bula voli kina ka qai bulia kei na qaqani meke ka ra sa dau meketaka tiko e na gauna qo na koro vakaturaga o Saumakia na nodra i tikotiko na turaga Tui Navitilevu.
Na meke talega e an gauna e a meketaki kina ka se bula donuya na Turaga Talai ko Ratu Sir Lala Sukuna ka qai vakatara me dola 24 na auwa na otela na Grand Pacific Hotel (GPH) me ra gunu wale kina na turaga kei na marama ni Navitilevu e na gauna oya. Ni wiliwili sara yani.
1. Noqu dabe toka ni qiri na rua
E na yakavi ga ni Vakaraubuka
E rorogo na domo ni vosa vuka
Kacivaki kece e veivanua
Dola na bose mai Uluda
2. Siga Vakarauwai e nakiti
Mera bose tu na Vu kei Viti
Na Vale ni Bose sa na osodrigi
Duri cake tu o koya na i tini
Me taroga na vatu sa vukici
Rau yali kina na veitacini
KOROSI
Isa isa ra gone lalai
Ni yalo vinaka mo ni yadra mai
Veika kece sa viribai
Ra lomaleqa na duikaikai
Ni sogoti na nodra i rairai
Na noda madigi sa bulusai
3. Na veivosaki ka sa na sitati
Ra lomadua na noda mataqali
Na cina ni qara me bureitaki
Me kua ni soli ki vavalagi
Ni sa sogoti mai Igiladi
4. Kaivalagi ra yalovuvu
Ra vaqara na kato ni vuku
Ra lai kerei na Daunivucu
Na Parofesa me ra tekiduru
Mera dui masu kina nodra
rumu
Ra tawa raica na kato ni vuku
5. Dua tale na ka sa macala
Na kai Adia ra vaqaqara
Ra via raica na gata varasa
Ra vakacabeta na veidelana
Yaco sara i boto ni wasawasa
Laladidi na loma ni qara
6. Tucake e dua na Sakisi
Me kerei ira na sa ni drigi
Me tei sowiri tale na madigi
Ra vakaraica me yabaki tini
Ra sa kila ni tiko e Viti
Sa i koya na noda Parataisi
7. Dua tale na ka da vakaraica
Veika kece da sa vunia
Duikaikai ra vakaraica
Vu kei Viti ra tawa solia
Ni sa simedetaki ko Vitia
Sa oti na gauna lialia
8. Veika kece au sa rawata
Me baleti kemuni na wekada
Keirau oca e na valataka
Sa tu rawa tale e ligada
Me maroroi deivaki sara
9. Neirau veivuke sa rawa
Ka sa kunei votu na vuana
Ka robota na veiyasana
Ko ni sega ga ni tudei rawa
Veivukiyaki voli na lomada
10. Dua tale me’u talanoataka
Vei kemuni kece na wekada
Keirau tiko sara vakayawa
Ko Merika na neirau tebara
Neirau vale na loma ni qara
Vata kei rau na bula rarawa
11. Dua tale noqu vakayatuyatu
Vei kemuni kece na wekaqu
mo ni bau veivuke e na masu
Me nanumi na loma ni Vale
Tabu
Ka vakatikori kina na noda
vatu
Na nodra lewa na Vunivalu
12. Ni vakarogoca ni vakarogoca
Neirau talanoa sa kora
E ciqomi na wa ni vosavosa
Na veimatanicagi e robota
Mo ni tiko lo ka vakarogoca
Ka vakananuma neirau vosa
