Vakanuinui

Listen to this article:

Vakanuinui

ESA VAKANUINUI tiko na timi ni Fiji Airways Fiji 7s kei na kena kavetani vou ni na rawa ni tekivu vinaka na nodratou vakaitavi ena sotasota ni HSBC World Sevens Series ena Dubai 7s ena mua ni macawa qo.

E nuidei o Gareth Baber na dauniveivakatavulici ni timi ni Viti me baleti Kalione Nasoko na kavetani kei na veivuke nei Jerry Tuwai na kavetani e liu ni timi ni Viti.

E vakanamata tiko o Baber ni ratou na tekivu ena dua na qito kaukauwa ka me rawa ni ratou na vakacavara na nodratou qito me rawa ni ratou na naba dua ni cava na sotasota ena iwasewase ni qito qo. Na timi ni Viti a yacova na fainala ni Dubai 7s ena sotasota ni 2015/2016 ka i otioti ni gauna e qaqa kina mai kea ena 2014/2015.

Esa yacova oti vakaciwa na fainala mai Dubai o Viti me tekivu mai na 1999 ka sega ni rawata vakavitu na ulu ni covi mai Dubai. E na vakaukauwa yago tiko kei na timi ni Amerika o Viti ni bera ni qai lade tiko ena loma ni rara ena Vakaraubuka qo. Na timi ni Viti e na qito vakatobu kei na timi ni Varanise, Kenya kei na timi ni Sikoteladi.

Ena sota tiko kei Varanise ni oti na 7 ena 6 na miniti ena yakavi ni Vakaraubuka, ena qai sota tiko kei Sikoteladi ni oti na 10 ena 6 na miniti ena ikarua ni nodratou qito.

Nai otioti ni qito vakatobu nei Viti ena sota tiko kina kei Kenya ni oti na 4 ena 6 na miniti ena mataka ni Vakarauwai.

Na kota fainala ni bilo ena vakayacori tiko ena 8 na kaloko ena yakavi ni Vakarauwai, ia na semi fainala ni bilo ena vakayacori tiko ni oti na 1 ena 17 na miniti ena mataka ni Siga Tabu.

Na fainala ni bilo ena vakayacori tiko ni oti na 4 ena 29 na miniti ena Siga Tabu.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2024
                            [month] => 03
                            [day] => 13
                        )

                    [inclusive] => 1
                )

        )

)