eni Vunisau e na gauna e sa tukuna tiko kina vua o Ratu Manasa Cavuilati mai Verata Wailevu ni sa rogo vinaka na sere ni tauni o Nausori, ia, e rogoca ga na kena i tinitini ni ?Tauni nei Tailevu au wili ga ki Rewa, Nausori au na ciba ga vua.?
Ni tei wiliwili sara yani:
Na nodrau veibataka toka na i tinitini ni sere o Vunisau vata kei Ratu Manasa e sa qai la?ki tini sara ga ni sa tukuna o Ratu Manasa me sa vakabau na sere oya, baleta ni yacadra na marama na tinadra na Tui Vunivivi sa bale o Ratu Filimoni Tagicakibau, e sa vakabulayaca tiko mai Natakala e na gauna oqo.
E kaya o Vunisau ni sa toso tiko na nodrau veitalanoa vata kei Ratu Manasa ka sa qai maleka tikoga mai na i gunugunu ni yaqona ni valagi e rau veitalanoa tiko kina, sa cavuta toka ga na nona vakavinavinaka o Ratu Manasa.
Toso tiko na gunu e sa voleka ni kabasu na nodrau taga e na nodrau vakatara tiko na i vovo ni silini ka se bau tiko, ka qai kidacala ga o Vunisau ni sa dre na ligana o Ratu Manasa, ka kauti koya sara ki na tutu ni vale.
Na nodrau yaco ga yani sa vakamacalataka sara o Ratu Manasa vei ratou na turaga ni Vanualevu, ni ko nona i tau ka rau salavata tiko yani oya, na turaga sara ga ka lagata na ?Curu mai Lewa? ka i liuliu ni matasere na Tadravakasiga.
Dua vata ga na gauna na nodratou tukuna mai na turaga ni Bua ?Uwailakai….i tau keitou dau rogoca tu ga na domomuni e na walesi, ia, oqo e tou sa qai mai veirai sara ga e na matanavotu, wawa..wawa.?
Nona gole ga e dua vei ratou na turaga ni Bua qo, sa la?ki laveta sara ga mai e dua na kateni beer, ka mai vakadabera e na matadrau o Ratu Manasa vata kei Vunisau.
Na nodrau tabaka oti ga na kateni sa bobo mataidua sara mai o Ratu Manasa vei Vunisau me talanoataka mada vei ratou na nona tau na i balebale ni sere oya.
Sega tale ni bera ni sa vakamacala o Vunisau ka biuta no kina vakalailai na i vakatubu me rawa ni taladrodro ga mai na gunu e na nodrau teveli.
Toso tiko na nodratou veikilai sa kerea sara e dua vei ratou na turaga ni Bua vei nodratou tau ke rawa mada ga ni cavu qaqa taka na sere ni ?Vuni ni kala.?
Oti oya e sa qai tavitavia toka o Ratu Manasa na teveli me yacova sara ni sa la?ki caka na tukituki.
Me vaka ni sa taladrodro tiko mai na gunu, e vaka ga na dalo matua na nona sa tukuna yani o Vunisau vaqo ri ne: ?Curu mai Lewa?, Uwailei..wailei…isa tau wawa mada wawa…kei na nona tucake tale e dua na nona tau me la?ki roqo tale mai e dua na kateni bia, me i vakavinavinaka ga ni tekitekivu tekivu ni sere.
Ni sa la?ki yacova na qaqana ka tukuni kina vaqo: ?Iko sa kila tiko e dua na ka, na levu ga ni nomu drovaki au na leve ni noqu domoni iko.?
E ratou dui dodo ga na turaga ni Bua e na levu ni nodratou dredre.
Tomana o Vunisau ni dede ga vakalailai sa kacivi koya sara e dua na nona tau, ke rawa ni vulica mada e dua na kena sere, baleta ni sa biuti koya o tinadratou ka sa la?ki vakawati tale.
Oti ga oya sa qai dresuka o Vunisau e dua na yasa ni kateni beer, ka mai volai kina na yacai nona tau, na yacai na watina, na vu ni nodrau veibiu, na yacadratou na gone, na yaca ni nodratou koro, ka mai biuta sara e na nona taga ni tarausese e muri.
?Sa ciba tau, gauna ga au na yaco kina i vale, au sa na la?ki vulica sara na kemu sere,? kaya o Vunisau.
Ia, na nanamaki e cakava toka mai o nona tau mai Bua me rogoca na kena sere, e se wawa tikoga me yacova mai na gauna oqo.
Ena qai kuri tale yani
