ESA veivakasalataki na i liuliu e liu ni soqosoqo na Natkional Fedration Party o Jai Ram Reddy ki vua na i liuliu vakatwa e na gauna oqo o Professor Biman Prasad e na vuku ni veika vakapolitiki.
Kaya o Professor Prasad ni rau sa veitalanoa ka sa tukuna vei koya ni tiko oqori e na i tutu ni politiki, ia, me muria ga e dua na i vakavuvuli rawarawa sara.
Kuria ka kaya o koya ni a tukuna ki vua o Reddy me kua vakadua ni vakaisini ira na lewenivanua.
Kaya o koya ni o ira na lewenivanua era sega ni dau vakayacorra na i tovo oqo vei ira na i liuliu, ia, o ira ga na i liuliu era dau vakayacori vei ira na lewenivanua.
A tiko voli mai na muaira ni noda vanua ena o Professor Prasad me sotavi ira na lewenivanua.
A cakitaka o koya na vakatutu mai na dua na i soqosoqo vakapolitiki ni navuca tiko na NFP me na musuka sobu na VAT mai na 15 na pasede ki na 10 na pasede e na vakalailaitaka na rawa-ka vakailavo. Kaya o Professor Prasad na kena musuki sobu na VAT e na vakalailaitaka na i sau ni bula, ka na vinaka ki na bisinisi ka na tubucake talega kina na rawa-ka. Na tikin aoqo e rawata vakaleu mai na ki na noda vanua na rawa-ka vakailavo.
Tomana ka kaya ni nna vakayacora na NFP e dua na vakadidike e na vuku ni tutu vakailavo ni noda vanua baleta nira se sega ni raica na lewenivanua na i tukutuku vakailavo ni Daunifika ni Matanitu e na vitu na yabaki sa oti.
