ESA mai sainitaka na nona konitaraki ko Ben Volavola me lewena na timi ni Bordeaux-Begles mai Iurope.
Ena curu ena sotasota ni Top 14 mai Varanise o Volavola ni oti na nodratou qito na timi ni Fiji Airways Flying Fijian ena sota kei Itali, Ailadi kei Canada. ena vula qo.
Ena qito vata tiko kei Peni Ravai kei Kitione Kamikamica ena timi ni Begles.
E rawa ni daramaka o Volavola na siqeleti naba 10 kei na naba 15 talega ka sa qito oti vakatinikaciwa ena timi ni Viti ka a vakaitavi talega ena sotasota ni Qito ni vuravura ena 2015.
A sainitaka na nona konitaraki o Volavola ena Janueri ka gole ki Varanise ni oti na nona qito ena timi ni North Harbour ena sotasota ni Mitre 10 Cup.
Ia, e sa mavoa tale tikoga ena timi ni Begles o Apisai Naqaliva.
