Update: 4:10PM ESA koto oqo era nai kuri ni vei sere vaka-Viti eda vulica tiko mai e na vei macawa, ni laga sere sara yani.
KO BAU NA YANUYANU
1.Ko Bau na yanuyanu
Na vanua ni salusalu
Mocelolo na kukuwalu
Lagakali na rosi damu.
2.Cila ni vula bogi vinaka
Vunikau levu ra soqo vata
Na rosi vula na Heilala (sinukakala)
Sa ira era vakatawana.
3.Dela ni koro mudre vinaka
Na i tikotiko ni Talatala
Ucu i Naceva au vakatabuya
Ka Sau Tabu ni noqu vanua.
4.Niu dau tu tani u vakanananu
Rai ki Bau na yanuyanu
Noqu koro au sakitaka
Na vanua ga ni lasa.
MATAI NI GAUNA DARU A SOTA KINA
1.Matai ni gauna daru a sota kina
Nomu i vakarau totoka rui kamica
Susi sa i iko ga, Susi sa i au ga.
Kemu i taba ko solia vei au meu taura
Me vakadei ni vosa ni yalayala ko tukuna
Susi sa i iko ga, Susi sa i au ga.
2.Au na daunanumi iko tikoga
Veisiga ni ko yali mai vei au
E rarawa na yaloqu niu raica
Kemu i taba Susi e rui kamica
3.Gusumu e kamica, balumu e damusa
Ko dredre mai vei au
Voleka meu ciba
Susi sa i iko ga, Susi sa i au ga.
KOROSI-Nomu i sulusulu, nomu yabeyabe
Matamuni serau e na kena wananavu
Susi sa i iko ga, Susi sa i au ga.
MATAISUVA
1.Rui domoni vei au
Na vadugu ni ua mai cakau
Sekavula na vuso ni biau
Mai matalau vei iko kei au.
2.Uasivi na kemu i rairai
Mataisuva e rogo ka kilai
Ko sili kina ko laki yabe mai
Bulabula dina na kemu i rairai.
3.Isa au diva!
Na biau siliva
Me daru mai sili kina
Waimakere dina
Me vaka na ka ko a diva
Veiniu baravi qai cagina
Na noqu tatadra sa qai dina
4.Vei sereki ni vuli
Mataisuva e dua nanumi
Biau lelevu sa kemu i divi
Vakasisisi e dela ni kisi.
5.Moce Mataisuva
Au na talevi iko take vakadua
Ke balavu na gauna ni bula
Mataisuva uasivi duadua.
MUDRE MAI NA CEVA
1.Mudre mai na Ceva
Mai na waitui bula
Tubu cake na ua ni Cakau
Mudre mai na Ceva
Vakacegu na yaloqu
Vakavuna na bula vei au.
KOROSI-Mai na Ceva, mai Kadavu
Ciri koto vakayawa mai wai.
2.Liwa mai, liwa mai
Cagi mai baba Ceva
Nabukelevu e votu yawa tu
Liwa yani na Ceva
Muaidule Latilevu
Noqu suesue au cegu.
