Update: 10:19AM NA sotasota ni fainala ena vakayacori tiko ena i karua ni macawa ni 2016 NRL Telstra Premiership Finals ena Vakaraubuka qo mai Townsville e Ositerelia.
Tikite ni Cowboys ena sota kei Broncos.
Tikite ni Raiders ena sota kei Panthers.
Esa vakadeitaka na NRL na gauna kei na vanua ena i karua kei na i katolu ni macawa ni fainala ni Telstra Premiership, ka na tekivutaki tiko ena nodrau na veiqali sominiwai kina na timi ni North Queensland Cowboys kei na timi ni Brisbane Broncos ena 1300Smiles Stadium ena bogi ni Vakaraubuka qo.
E rau na sota tiko na timi ni
Canberra kei na timi ni Penrith Panthers ena i karua ni semi fainala ena bogi ni Vakarauwai ena rara na GIO Stadium.
Ena sota ni fainala ni NRL Telstra Premiership oya ena i karua ni macawa.
Ena i matai ni semi fainala ena i ka 16 ni Seviteba ena vakayacori tiko ni oti na 5 ena 55 na miniti ena bogi (7:55pm) ena rara na 1300Smiles Stadium.
E rau na sota tiko kina na timi ni North Queensland Cowboys kei na timi ni Brisbane Broncos.
Na kena bolei na Holden Cup e rau na sota tiko na timi ni North Queensland Cowboys kei na timi ni Wests Tigers ni oti na lima ena 15 na miniti ena yakavi (5.15pm). Na i karua ni semi fainala ena vakayacori tiko e na i ka 17 ni Seviteba ni oti na vitu ena vasagavulu na miniti (7:40pm) ena GIO Stadium.
E rau na sota tiko na timi ni Canberra Raiders kei na timi ni Penrith Panthers.
Ena qito ni Holden Cup e na sota tiko na timi ni Cronulla-Sutherland Sharks kei na timi ni Sydney Roosters ena lima donu na kaloko (5.00pm).
Ena i ka tolu ni macawa ni fainala ni NRL Telstra Premiership ena fainala ena i ka 23 ni Seviteba ka na vakayacori tiko e na Allianz Stadium.
E rau na sota tiko kina na timi ni Cronulla-Sutherland Sharks kei na timi ena qaqa mai ena nodrau sota na timi ni Cowboys kei na Broncos.
Ia, e na sota ni Holden Cup e rau na sota tiko kina na timi ni St George Illawarra Dragons kei na timi e qaqa mai e na nodrau sota na timi ni Sharks kei na Roosters ni oti na lima ena tinikalima na miniti ena yakavi (5.15pm).
Ena sotasota tikoga ni Holden Cup e rau na sota tiko na timi ni Penrith Panthers kei na timi e na qaqa mai ena nodrau sota na timi ni Cowboys kei na Tigers ni oti na rua ena limasagavulu ka lima na miniti (2.55pm).
Na fainala ni veta e ra ena i ka 24 ni Seviteba, ni oti na vitu ena vasagavulu na miniti (7:40pm) ena AAMI Park.
Ena sotasota ni NRL e rau na sota na timi ni Melbourne Storm kei na timi e qaqa mai ena nodrau sota na timi ni Raiders kei na Panthers.
