ESA mai yala toka na nona i takitaki ka dau veibulagoci tiko yani kina e na vei macawa o Ratu Manasa Komainavuku e na nona vakamacalataka, O cei o keda, se o cei o Viti?
Ni tei wiliwili sara yani:
E kaya o Komainavuku ni o keda kece sara na tamata tabu saka yani, eda a basika mai e na kedrau maliwa e dua na tagane kei na dua na yalewa, ia, o Jisu me vaka na vosa ni yalayala mai Iteni o koya e na kawa ga ni yalewa mai na vuvale vakatamata.
Io, e sa i tukutuku matanidavui vei keda e Viti ni vuvale vakatamata e digitaki mai Lomalagi me mai sucu kina na Mesaia, sa vuvale vata talega eda basika kina na kawa i Taukei e Viti.
Kuria o Komainavuku ni oqori na i tukutuku e vola vei keda o Maciu1:1-16; e tekivu vei Evarama, ka tusa kawa me yacovi Karisito Jisu, ia, e na (Tikina e 3) e kaya – ka tamai Feresi kei Sera ko Juta a tinadrau ko Tema, ka sa i rau oqo na drua i Jiuta ka tinadrau ko Tema ka talanoataki tiko e na veiyalayalati makawa ena Vakatekivu 38: 1-30; Meu vakalekalekataka na i talanoa me baleti rau na drua i valu i Jiutia vei Tema na yacadrau o Sira kei Feresi.
Tomana o Komainavuku ni sa i Feresi gona e a qai basika mai ena nona kawa o koya na gone e a yalataki mai na i Vakatekivu kei vuravura me vaka e sa cauraki oti koto mai cake, ia, o Sira sa i koya ka a vakatakilakilataki ni a buki na wa kulakula ena ligana i matau ni o koya e qase vei rau, sa nona kawa eda basika kina na kawa itaukei ka da mai maroroi tiko ena Lawa ni Kalou ena vanua oqo ko Viti, ka sa i Viti na kawa ni ulumatua ni Yavusa o Jiuta o koya e a yali tiko mai Isireli, ka se vaqarai voliga e na gauna sara ga oqo ?Lost Tribe of Israel?.
Meu sauma na i karua ni taro mai na va na taro e da sa tarogi oti kina ka vaka oqo ne:
Viti o lako mai vei?
Au a lako mai Natuicake me?u mai roqoroqo vua na taciqu na gone yalataki e na vosa ni yalayala mai liu sara ni o koya na nodra Tui na kai Jiutia ka sucu me i vakabula kei vuravura.
?E dau kilai tu ena Vucu makawa mai Isireli me gone ni Peceliema e Jiutia,?kaya o Komainavuku.
Kuria e na nona i talanoa ni a dolavi na i Vola Tabu e na Veiyalayalati vou e na i talanoa vakaciriloloma oqo.
Ni qai wilika na i vola nei Maciu 2:1-23 (wase taucoko) ni a mai tini na i talanoa ni sota vaka veiwekani se vakavuvale e na dua na veivuni ka a vei vakasalataki kina na Kalou.
Ni a rairai e liu vei ratou na mai roqoroqo, qai rairai e muri vei Josefa me kauta na gone kei Tinana ki Ijipita, me vunitaki kina mai na matai Eroti na Tui Jiutia.
E kaya o Komainavuku ni e na i tukutuku ki na Na i Lalakai e na rua na vula sa oti, eda a tavusoa tiko kina na i tukutuku ni veisautaki ni noda kuila e Viti, ka da vakananumi tiko kina me na kautani na kuila makawa vata kei na ?Coat of Arm?.
Na noda i bole e vakadeitaki koto kina me vaka e sereka toka vei keda o Seniqumu Naqarawai ni oya e ka dina taucoko, ka sa mai cila se cadra tale e na noda vunilagi e na vula rua sa oti, ka sa Vucutaki vakabalavu sara tiko mai e na rua na udolu na yabaki sa oti ka vaka tokai tiko me lakolako ni Peceliema.
Tomana o Komainavuku ni gauna oqo me da sa goleva sara mada na i katolu ni taro ka vaka toka oqo ne:
O cei e kauti iko sara mada mai ki ke?
Kena i sau (Na Kalou) na kalokalo e a vakarota na Dauniveibuli me liutaki ratou me vaka na duru o kei na duru bukawaqa vei ira na yavusa levu ni Isireli e na loma ni vasagavulu na yabaki e loma ni Lekutu.
Ia, oqo na agilosi ni Kalou e liutaki iratou ka maroroi iratou, me yaco sara ki na vanua sa vakarautaka oti tu na Dauveibuli me vaka na vosa ni yalayala me baleti iratou ena gusu ni Parofita ka volai tiko e na nodra i Vola Tabu na Iveriu ka Parofisaitaki tiko kina na Kalou e kauti iratou ki na dua na vanua lala ka se bera ni tawani.
E kerea o Komainavuku me sa sauma rawa mada na i ka va ni taro ni bera ni soli na galala vei kemuni na dau wilika na pepa dokai oqo na Na i Lalakai, kevaka o ni via taroga eso na taro me vakamatani ibe taki eso na tikina ko ni gadreva mo ni kila se taroga, mo ni qai volavola se qiri vua na Turaga Edita, ka me rau na qai veivuke yani kina.
Ka va ni taro – ?Cava na vuni nomu tiko e ke?
Oqo na taro bibi vei ira na noda qase taumada na tawa vanua, baleta na i naki taumada ni Kalou ?God?s Plan? me baleti ratou, kei Isireli, se o Isireli kei vuravura e na veivakabulai ni Kalou me vaka na Vosa ni Yalayala ni vuvale i Evarama na Iveriu.
Tomana o Komainavuku ni a volai tu e na nodra qavokavoka na i Taukei me yacova ni kua na i bole oqo ?Noqu Kalou Noqu Vanua,? oqo na nodra qaqa ni masu e na veitaba gauna ka ra dau bole mate ke yavalati na yavu e rua oqori na nodra Kalou me baleti ira e na nodra vanua e solia vei ira me nodra ka ra vakatokai tiko kina me yacadra na !Kawa i Taukei! se kena i vakabalavu-kawa era taukena na Vosa ni Yalatyala ni Kalou mai na i Vakatekivu, ki vei Evarama, Aisake, Jekope, Isireli, Jiuta, ki vei rau na drua ivalu nei Jiuta, eda a veitalanoa tiko mai kina.
Ena qai kuri tale yani
