E KAYA na Minisita ni Vuli, o Doketa Mahendra Reddy ni ra sa na laki vuli ena koronivuli rogo me vakataki Ratu Kadavulevu School, o Adi Cakobau kei Vulinitu o ira na gonevuli era lako yawa mai, ka sa rawa talega vei ira mera na laki curu e bure ena veikoronivuli oqo.
E sa na vaqaqacotaki na tikina oqo ena tekivu ni vuli ena yabaki mai oqo, e kaya o Doketa Reddy.
E vakadeitaka ni yavu ni kena tauyavu o ira na veikoronivuli ni curu e vure qo, baleta sara ga na nodra laki curu e bure o ira na gone era lako mai na veiyanuyanu kei na veikoro.
A mai vakaraitaka tiko na tikina bibi oqo ena nona laki dolava na koronivuli vou mai Buca Bay e Cakaudrove.
A laki dolava na koronivuli qo ka ratou cicivaka na lotu Kavitu e Viti, ka yaca ni koronivuli vou oqo na Vatuvonu Seventh Day Adventist College.
E kaya ni dau veivakauqeti ena nodra sasaga e so na i tubutubu ena nodra saga me ra na mai vuli toro cake e na veikoro lelevu na luvedra.
