Ea marautaka o Iliesa Tanivula na dauniveivakatavulici ni timi ni Telecom Fijiana ena vuku ni nona sa mai digitaka talega e 10 na dauqito me veitomani e na timi ni goneyalewa ni Viti esa vakarautaka rawa tiko.
Ia, na timi ni Fijiana e a mai druka koso e na semifainala e na sotasota ni 2014 Fiji Coral Coast 7s e na mua ni macawa sa oti.
E a tara cake na nona timi o Tanivula e na sotasota mai Lawaqa ena kena vakarautaki na sotasota ni IRB Women Sevens Series mai Dubai e na vula mai qo.
E va na timi ni NZ Raiders esa mai digitaki ena timi ni Fijiana oya ko Aeron Warbrooke, Britney Coates, Rejieli Uluinayau kei Siteri Tabua.
Ena timi ni Mystic Nights e rau sa mai digitaki o Di Lusi kei Sereana Leweniqila kei na so na timi ni Nadroga me vakataki Losalini Ratu kei Seruwaia Ralulu.
O Soko Salaqiqi mai na timi ni Striders Club, Ela Marama mai na timi ni Sea Hawks kei Sereana Nagatalevu. E kaya o Tanivula e na nodratou mai digitaki na goneyalewa qo e na laveta cake na vakatagedegede ni qito.
Esa koto oqo era na yacadra na goneyalewa digitaki. Asinate Savu (Mystik Nites) Di Lusi, Sereana Leweniqila, Akosita Ravato (Striders), Talica Vodo, Timaima Ravisa, Soko Salaqiqi, Tavaita Ravouvou, Luisa Basei, Ana Maria Roqica (Marist), Lavenia Tinai, Roela Radiniyavuni, Ela Marama (Sea Hawks), Esiteri Bulikiobo, Jossie Bavatu (Sydney Fiji Ranadi), Rusila Nagasau (Central Chiefs), Elina Ratauluva, Timaima Tamoi, Pricilla Siata, Seruwaia Raluvu (Nadro), Losalini Ratu, Sereana Nagatalevu (Nadi).
