Iri vari ni ika nei Selina mai Navaga

Listen to this article:

Iri vari ni ika nei Selina mai Navaga

AU vakavinavinaka vakalevu vua na Tamada sa Cecere sara e na kena soli vei au na vakasama me’u cakava kina na noqu cakacakaniliga, me vaka au sa mai vakaraitaka tiko oqo e na soqo macawa dua ni Lomaiviti e na yabaki oqo.

E vakadeitaka mai na i tukutuku oqori e na Furnival Park mai Turaki, ko Selina Manarai, e dua na marama ni koro ko Navaga, Koro, e Viti e loma, e na siga Moniti.

E kaya o Manarai ni nona cakacaka ni liga e dau maroroya mai na vari ni ika, ka ra sa vari oti, qai mai tonia tu e na wai vakasovu (soap powder) me rauta e rua na macawa.

Tomana na marama yabaki 28 oqo, ni gauna sa toni oti kina, sa qai vakasigani me kauta laivi na i boi ni ika, ka qai mai sava tale vakavinaka, ka biu tale vakalailai e na siga.

“Na kena sekavula sara ga o ya, e tauri koya tu me yacova na noqu vakaraitaka toka oqo.

“Oti ga o ya sa qai rau kabi vata e rua na kateni me ketedrau vata i loma, mai yacaraka yani e na kedrau maliwa na drega (glue) ni i vola, me kakua kina ni rau veikalikali, sa qai mai dregati ira yadudua na vari ni ika e na dela ni kateni.

“E na taura toka e dua na gauna na kena cakacakataki, ia, ni sa oti, e lailai tale na i rairai ni iri ka ra dau irivi kina na marama tabusiga,” kaya ko Manarai.

Kuria na nona i talanoa ni dua na vuli levu talega e mai sotava e na vanua ni volivolitaki e na nodra veiwaseitaka kei ira na gole mai Lomaiviti, na i cakacaka ni nodra cakacaka ni liga.

“Au vakavinavinaka vakalevu ni noqu cakacaka ni liga oqo, e sa dolava vei au na mata ni katuba ki na neimami soqo na marama (Expo), e na yabaki mai oqo.

“Au sa na lesu qo, ka’u na la’ki vakavinakataka cake na noqu cakacaka ni liga, ka’u na vakavulici ira talega na gone yalewa mai nakoro, ka ni sa dua na i vurevure ni lavo rawarawa duadua.

“Na i lavo kece au rawata e na noqu cakacaka ni liga, e sa veivuke sara tikoga ki na bula ni neitou matavuvale,” tinia o Manarai.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2024
                            [month] => 03
                            [day] => 13
                        )

                    [inclusive] => 1
                )

        )

)