E SA biuta na bolebole na Peresitedi ni noda vanua, o Jioji Konrote ki vei ira na leweni Palimedi me ra na segata me na tosoi e liu na noda matanitu.
E kaya ni sa tiko e ligadra na lewe ni bose lawa na kaukauwa ena nodra na veitalanoataka na veika e bibi ena loma ni Palimedi me rawa ni da veitokonitaka vata na bula sautu ni noda vanua.
E kaya me na kau tani na duidui ka me da na veilomani.
E kerei ira na lewe ni Palimedi me sa kua ni vakayacori na veitalanoa ni politiki ka veivakarerei.
E kaya ni mataqali veitalanoa vakaoqo e sega ni kena gauna oqo me na kau tiko mai ena loma ni veitalanoa ni bose lawa.
Ena kena dolavi na Palimedi vou ena siga Moniti e laurai ni ra tiko talega ena soqo bibi oqo o ira na lewe ni vuvale nodra na lewe ni Palimedi.
E a vakayacori na voleni vakaivalu vua na Peresitedi ka sa mai digitaki talega o Vuniwai Jiko Luveni me sa na taura tale na i tutu ni Sipika ena loma ni noda Palimedi.
