SA koto oqo na i kuri ni tukutuku nei Uliano Metuisela, e dua a turaga ni Buca, ena Tikina o Natewa, Cakaudrove ka dau bulagoci iratou na liga ni wau ni tabana vuni ni noda matanitu, ia, e sa gadreva me wasea mai ki na lewenivanua na veika e a cauraka.
SA koto oqo na i kuri ni tukutuku nei Uliano Metuisela, e dua a turaga ni Buca, ena Tikina o Natewa, Cakaudrove ka dau bulagoci iratou na liga ni wau ni tabana vuni ni noda matanitu, ia, e sa gadreva me wasea mai ki na lewenivanua na veika e a cauraka.
Ni tei wilika sara yani.
E na yabaki 2011 e na vula ko Okotova na i ka tinikalima ni siga au raivotu siga au a raica kina e na noqu tadra e na bogi oya, ka vaka qo na ka au tadra.
Au raica e dua na i kumukumu tamata ka liutaki ira tiko mai o Sitiveni Rabuka.
Na kedra i rairai e vaka vei au mera lewe ni palimedi ka ra veitokoni tale tu ga na veituraga kei na Marama Bale e na noda vanua oqo o Viti e nai lakolako e a vakayacori mai oqo.
Na vale au tiko kina e dua ga na vale makawa ka ruasagavulu ka va beka na i kalawa mai gaunisala levu. Ia, au raici ira kece na i lawalawa se i lakolako oqo e sega ni vo tale e dua vei ira me?u raica me tucake tu e yavana ka me taubale mai vei au. Ia, era vakayagataka na duruduru ni yavadra ka qasi mai ki na vanua au toka kina.
Au tucake sara ga e na vanua au dabe toka kina ni?u a sega ni taleitaka nira qasi mai e mataqu ka?u kerei ira mera tucake ka gole mai.
E sega ni dua vei ira me bau via tucake mai, ka ra qasi tikoga mai, sa dua na ka na noqu lomani ira, e na vuku ni drakusi ni durudra kei na ligadra.
Sa mai yaco tu e keri na veika au raica ena bogi ko ya, ia, na ka ga au sa qai waraka tiko, ya na nona gauna na noda Kalou. Me vakayacori kina na ka e sa vakaraitaka oti tu vei au e na noqu tadra se raivotu.
Me baleta tiko na i lakolako vaka matanitu kei na vanua o Viti kei ira na veituraga kei na Marama Bale e na noda vanua.
E na so vei kemuni e na wilika na i talanoa oqo se rogoca na kena veitalanoataki era na rawa ni kaya ne: ?Sa dua na tamata qavuqavu ka viavialevu ka viavia Turaga o la na dau talanoa oqo.
?E tamata mai vei? E kawa nei cei se o cei o koya??
Ia, oqori e so tikoga na noqu tadra e a vakaraitaka vei au na noda Kalou ni na yaco mai na kena gauna me na qai vakamatanataki kina na veika e a dau vakaraitaka tiko vei au e na tadra kei na raivotu.
Au vakaraitaka tiko vei kemuni me rawa ni na saumi kina eso beka na nomuni lomatarotaro se cava na vuna e solia kina vei au na noda Kalou na vakatulewa ni i lavo ka kena akaude na S8001.
E na qai kuri tale yani.
