E DUA na i tovo vou vakavanua, oya na VAKASOBU.
E vakaraitaka o Adi Sainimili Ramasirai ni o ira na tubuda era a sega ni kauta mai na i tovo VAKAVANUA oqo.
E a qai mai buli walega e na gauna e a mai soli kina o Viti ki Peritania.
?E na gauna e ratou veisiko mai kina na Vuvale Vakatui mai Bolatagane, sa qai mai buli kina nai tovo VAKAVANUA oqo me salavata kei na nodratou yaco mai.
?Kevaka eratou sala mai ena waqa e a caka ga na i QALOQALOVI, me vaka ga eratou sala waqavuka mai sa mani buli kina na i tovo VAKAVANUA oqo, na i VAKASOBU,? e kaya o koya.
E kuria ka kaya o koya ni oi keda na i taukei e RUA ga Na noda i Tovo VAKAVANUA.
Sa i koya ga na VAKASALEVU se TAMA kei na QALOQALOVI.
E sa RUA talega na noda SOQO VAKAVANUA.
1) Na Vakamau
2) Na so-Mate
Sa qai tiko na noda qito vakavanua, me vaka na:
1) Na vaqiqi moli
Oqo sa?ka na qito ni vaqaqara watimu.
2)Na caqe moli
Oqo sa?ka na qito nodra na marama ka ra dau qitora ga na marama ka ra Bai ni Ua kina na Turaga.
3) Na Veitiqa
Oqo sa?ka na nodra qito na cauravou kei na Turaga.
Na vakamamaca e dau caka ga e na gauna ni QALOQALOVI baleta nira na suasua mai na Vulagi.
Ia, e na gauna edai e sa caka na VAKASOBU, QALOQALOVI, VAKAMAMACA, YAQONA VAKATURAGA, WASE NI YAQONA VAKATURAGA. ?E sa vakaocai keda na noda lecaika.
?Ia, nida vakasamataka vakamalua na i walewale ni VAKASOBU, e dua ga na ka e kauta mai, oya na viavialevu.
?E yali kina na vakarokoroko!?
Matai ni Ka e dodonu me cakava e dua na Vulagi e na dua na koro e curuma oya na nona i sevusevu.
Ia, ena gauna oqo era sa caka sevusevu mai na i Taukei.
?Baleta beka na cava?
?Baleta ga na i tovo vou oqo na VAKASOBU.?
E luluqa kina na i Tovo.
Dua na vakailesilesi vakamatanitu e yaco yani ki nakoro e sa caka mai vua na i VAKASOBU, na Sevusevu.
?Oqo sa?ka e cala.
E vulagi tiko yani.
?E sa dodonu mera cakava na nodra i sevusevu.?
Tomana ka kaya o Ramasirai nida sa vakaloloma ka dravudravua e na i Tovo VAKAVANUA.
?E sa rui veivakaocai na noda LECAIKA!?
E vakaraitaka o koya ni gadreva me da na veitauriligataka na kena vueti vakadodonu na noda i Tovo VAKAVANUA.
?Me kua ni caka baleta ni rawarawa, me caka tiko ni dodonu ga me caka,? e kuria.
