Update: 11:22AM E VAKILA o Kaysa Pritchard na �hooker� ni timi ni Eels ni vaka me sa qai tekivu na nona qito ena NRL ena nona vakamuria na nona qito ena loma ni 80 na miniti ka tukuna vua na nona dauniveivakatavulici me tomana na nona i vukivuki vaka-wabosucu.
Na i matai ni rauni ni sotasota ni NRL ena yabaki qo esa qai i matai i gauna vei Pritchard me qito kina e liu ena 16 na qito ka dau veisosomitaki tu ga ena yabaki sa oti kei na tolu na na qito e a mavoa voli kina ni bera na qito oya.
Ia, e sega ni vakawelewele o Pritchard ena vuku ni nona sa laurai ni toso cake na vakatagedegede ni nona qito.
E a qito e sivia ni 70 na miniti na cauravou yabaki 22 qo ka rawata e 48 na veivesu ena dua na macawa ni oti e tolu na qito.
E rawata rawa talega o koya me vesuki ira na cauravou lelevu sara mai vua.
E tukuna o Pritchard ni marautaka na nona rawata na nona takete oya me tekivuna na qito ka kuria ni sa levu tiko na vanua me na vakavinakataka ena nona gauna ni qito.
Ia, na nona dauveivakatavulici ko Brad Arthur esa tekivu me wanonova vakamalua tiko na i vakarau ni nona qito o Pritchard.
