E vuqa na daunivucu era rogo e na nodra taba gauna ena nodra seretaka na i rairai totoka ni noda vanua kei na kena i tovo ka ra sa laki cavu i sausau sara kina veibuturara ni vakatagi ena veiyasai vuravura e na vuku ni nodra bulia ka vakayagataka na i vakatagi kei na so na i yaya ni qiriqiri ka ra se dau vakayagataka na noda qase.
Esa koto oqo era e vica na sere makawa ka ra vakadinadinataka e vica na cauravou makawa kei Suva e na 60 kei na 70 era sa taba qase tiko e na gauna qo ka ra se kila vinaka tiko na qaqa ni sere kei na kena i lagalaga.
E dua gona vei ira na qase qo ko Jovilisi Kedrayate na turaga ni Naimasimasi, Vugalei, Tailevu ka matata vinaka tu vua nai rogorogo ni sere kece qo ka ni tiko e vica na vanua ni veivakamarautaki e Suva e na gauna oya era dau yabeta na kena goneyalewa kei ira na cauravou me ra dau soso yaqona ka lako vata kei na laga sere.
E vica na sere oya esa koto oqo era na yacadra ka na qai tabaki tiko yani na qaqa ni sere ena veimacawa.
Biau mai wasa, Au sa oca ni mateca tu, Bogi ni Lotulevu, Buna na Isa lei Buna, Na lotu mai na Yatu Lau, Ciri yawa tu na vakanananu, Daru mai lululu e na baravi domoni, Daumaka dina Adi na cila ni vula, Diva lesu tu na gauna, Dua ga na bogi ni nanuma tu, Ena dela ni wai siliva, Ena ruku ni vula vou deu tadra beka.
Ena vuku ni loloma, Gauna cava beka me na qai oti, Ilagi e tawa guilecavi, Isa au diva mo kila mada dear na lomaqu, Isa au tagi ena noqu rarawa, Isa kabani sai iko na noqu senirosi, Isa lei kabani na vosa oqo, Isa lei ko Viti, Isa lei Lia, Isa Lomai Isa noqu Lomai, Isa na noqu daulomani, Isa na tadra.
Isa na yakavi ni Kirisimasi, Isa noqu lewa au domoni iko, Katini ni Okotova, Kirisimasi namaki, Ko Bau na yanuyanu, Koi au beka na gone vulagi, Kua ni tagicaki au noqu Viti lomani.
Lagilagi ena tawa guilecavi, Linden Lea, Liwavi au na Tokalau, Lovely Frangipani I adore you, Lutu sobu na yakavi, Manumanu vuka, Matai ni gauna daru a sota kina, Mataisuva, Meda mai taura tale, Mudre mai na Ceva, Na cila ni vula daru yabe no, Na cila ni vula sa daumaka, Na kequ lewa sa laivi tu, Na mataniciva au a vakawaletaka.
Na noqu dodomo vei kemuni, Na noqu senikau daudomoni, Na rosi ni delana, Na senikau talei vei au, Na senitoa, Nasavusavu na vanua ni lasa, Natewa na noqu koro ni vasu, Ni lutu na tegu ni mataka, Ni rui dede ko yali tu mai vale, Nodaru gauna isa lei marama, Nomu siga ni sucu lei Adi, Noqu senibua qoroi, Ratu Nacagilevu, Rewa au cibi tu e vukumuni, Rogo mai na kaci ni noqu matanitu, Rui tawa yalani na noqu dodomo, Sa bale dua na duru.
Sai Levuka ga, Sa laveti tu na yaca au doka, Sa moce lei sisi, Sa seavu tiko yani vakamalua na kemu kamica, Salusalu qoka kidavaki kina, Sega niu a tadra, Senijiale na senijiale, Senivau vula, Sere kei Nasinu, Sere ni dodomo vei kemuni, Seretaka na veitalatala, Sobo Marica nomu lako, Soqo vinaka.
Sureti kemuni lei Adi, Tagimaucia ga na senikau talei, Talanoataka mada na noqu biuti neitou, Talei ni nomu i vakarau, Tamaqu sai iko ga, Three hundreads Islands, Tobu tawa sinai, Tou mai laveta na noda marau, Tubu tiko na gauna lagilagi, Tukuna na noqu i loloma.
Vakarau Tubuna sa takali, Vakaraubuka au biuti Suva, Vakayatuyatu ni noqu dodomo, Veibogi kece au moce vakaca, Veisiga au diva tu, Veivanua au dau sokota voli, Veiyatu yanuyanu.
Au sa oca niu mateca tu
Au sa oca niu mateca tu
Meu bau gade mada mai
Ki na Vanua domoni talei
Ka ni daukacivi au tu mai.
Noqu tadra au kila tu ga
Ko vanua ni marau
Ukutaki lagilagi matalau
Vanua ni veisenikau.
Isa noqu tadra
Ka niu daudiva tu
Meu bau gade made mai ki vei kemuni
Vanua ni Isa Lei
Biau mai wasa
Biau mai wasa,
Rairai vinaka.
Niu mai vakasarava
Yanuyanu ciri yawa.
Voleka tu yani ki vanua
Ramase na dela ni nuku vula
Selo e rorogo yadua
Vulagi beka e sara vanua.
Korolevu ni kele na waqa
Osodrigi na matasawa
Lululu ni veitalatala
Vakarau na soko wasa.
E kabu tu mai vakayawa
E loma ni wasawasa
Vatulele na yacana
Sa vanua ga ni lasa.
Bogi ni Lotulevu
Bogi ni Lotulevu me biu ko Suva
Meu sokota na loma ni wasa bula
Meu vodoka na vana rua
Kele Yani ena siga ka dua
Mai Yale na nomuni vanua
Na veiqaravi e liu tau mada
Qaloqalovi sevusevu kece sara
Qoroqoro tu enai tovo ni lasa
Mai vei ira kecekece sara
Na Mata timi ni Nabua na yacana
Neimami soqo na ka lagilagi
Salusalu era Taubena yani
Salusalu vono ni ucu i matari
Era taubena tu na vulagi
Kenai divi ni dau lutu na yakavi
Veitalatala na ka rarawa
Ni donumaka na siga ni turaga
Au diva tu ke a sega tara
Ke bau dua na soqo vinaka
Mai Yale na vanua turaga
Ni sa moce mai Yale raraba
Bua ni Nabua e vakalasalasa
Na i loloma levu tawayalani rawa
Vei kemuni kecekece sara
Na mata timi ni Nabua raraba
Biu ko Suva nikua
Biu ko Suva nikua
Isa kabani mata lomani
Tiko e na kemu lagilagi
Moce yani kabani, moce yani.
Noqu i tautau vei iko senirosi
Mo nanuma na i yaloyalo oqori
Kua ni biu me karoni
Na sikavu sa mai noqu bula voli.
Mataka lailai meu yadra
Ko Suva sa kabu yawa sara
Diva na matamu ni ko yadra
Mai voroka wale noqu gacagaca.
Isa na levu ni biau
Wele beka mai Suva ko noqui i tau
Diva ni ko dausiro sobu mai
Voleka meu lade wale ki wai.
Ena qai tomani tale yani.
