ESA mai sainitaka na nona konitaraki ko Osea Vakatalesau ena timi ni Amicale FC.
O Vakatalesau e a lewena tiko na timi Ba ka qito voli ena i tutu ni striker.
E vakaraitaka o Andrew Leong ni sa sainitaka talega na nona konitaraki ko Amani Makoe mai na timi ni Nadi kina Red Rosters vata kei Esava Naqeleca.
E kaya o Leong ni ratou na cauravou ni Viti qo e ratou sa na lewena tiko na kalavo ni veicaqe qo ka ratou na qito tiko e Vanuatu e na kena vakarautaki na sotasota ni Melanesian Super cup ka na tekivutaki tiko e Port Villa e na vula mai qo.
Era sa toso vinaka sara tiko na nodra qito veicaqe na cauravou i taukei ena gauna qo e na vuku ni nodra sa rawa ni laki konitaraki tale ki na dua na timi ena Pasivika ka laurai eke na tubu ni qito qo e na dua na gauna lekaleka ga qo. Ia, e na sotasota ni BOG esa qai oti qo e qaqa kina o Rewa vei Lautoka e na 2 kei 1 ka dua dina na qito kaukauwa e rau cakava na timi e rua.
E a mani seva nai naki ni timi ni siti ni suka o Lautoka ni sa mai vakacagicagi sobu ki na Tebara na i covi qo ni Inkk Mobile Battle of the Giants e na yabaki qo.
