ESA mai tadolava tale o Sevu Reece na cauravou ni Viti ka qito tiko mai Niu Siladi ena gauna qo e dua tale na katuba ena nona na gole tiko ki Iurope me na la’ki veitomani ena timi ni Connacht ni oti na nona a sotavi Andy Friend na dauniveivakatavulici ni timi ni Connacht mai Waikato o Reece.
Na cauravou yabaki 21 qo e dau qitotaka nai tutu kece vakadua ena i yatu e muri ka wigi tiko ena timi ni Waikato. E levu duadua na nona poidi ena timi ni Melville, ka vuke talega na nona timi me yacova na sotasota ni Waikato Championship ni oti ena 35 na yabaki.
Na nona qito vinaka oya a vakavuna kina me curu ena timi ni Waikato ena sotasota ni Mitre 10 Cup ena 2016 ka qito kina vakatinikarua ka tabaka talega kina e vitu na sikoa.
Ena la’ki lewena o Reece na timi ni Connacht ni oti na nona qito tiko ena yabaki qo ena timi ni Waikato.
