ESA na kavetanitaka tiko na timi ni Swire Shipping Fiji Warriors ko Mesulame Dolokoto ena sotasota ni Pacific Nations Cup ena macawa qo ena sota kei Uruguay. Na cauravou yabaki 23 qo mai Koroivonu, Tunuloa, Cakaudrove ka kidroataka na nona mai digitaki me kavetanitaka na timi ni Viti ena i matai ni gauna.
E kaya ni matai ni gauna e rogoca kina na nona sa mai digitaki me liutaka na timi ni Viti, e kidacalataka baleta ni kila ni ra tiko eso era sa daramaka oti mai vakavica na siqeleti vulavula ena loma ni timi me vakataki Joeli Veitayaki ka ra sa matataki Viti oti ena qito levu eso.
Ia, e kaya ni doka ka marautaka na noan sa mai digitaki me matataki Viti ka kavetanitaka talega na timi. Na timi ni Warriors era veicurumaki vinaka kina na dauqito gone kei ira era sa qito dede tiko mai.
