SA mai yaco toka na i talanoa i qasenivuli vakacegu Iliesa Baravilala e na gauna e sa vakawa tiko kina e dua na lewe ni Kebineti mai Vanuatu na kamica ni domoi Lagani, dina madaga ni ra sega ni kila na i balebale ni sere, ia, era taleitaka ga.
Ni tei wiliwili sara yani:
E vakamacalataka o Baravilala ni ratou a siga rua tale e Port Vila, ni bera ni ratou qai biuta na rara ni waqavuka mai Vila me vukaca cake na maliwa lala ki na vanua o Santo ka koto ki na vuaira ni vanua o Vanuatu.
E kaya o Baravilala ni iratou qai kele yani ki Santo, sa waraki iratou tu ma kina e dua na marama ni Rewa, ko Olive Wylie ka vakawati taka e dua na pailate ni waqavuka mai Varanise.
Kuria ni o Olive Wylie sara ga e a qai la?ki vakasarasarataki ratou wavoki tiko mai kea, ka a qai mai dua talega na nona katokatoni e na nodratou sa lesu mai Viti, e na nona kaya ni vakauqeti koya sara ga na domo i Lagani Rabukawaqa.
Tomana o Baravilala ni ratou veivakamarautaki siga rua voli mai Santo ni bera ni ratou vuka lesu tale ki Vila.
?E bau kauti keitou talega ko Olive ki na nona i tikotiko e dua na turaga vakairogorogo mai Vanuatu e na gauna oya, o Jimmy Steven,? e kaya.
Kuria e na nona tukuna ni a tukuni vei ratou ni turaga ni Toga Matanisiga oya, e a via vakaduria ga e dua na nona matanitu mai Vanuatu, ka kalouca sara ni a mai vesu koso, ka ra biu tu mai na watina e lewe ruasagavulu e na nona i tikotiko, ka yadravi tu vakamatau mai vei ira na ovisa.
Tomana o Baravilala ni ratou a veivakamarautaki e na vica na koro lalai mai Santo, ni bera ni ratou vuka lesu tale ki Vila.
E kaya talega o Baravilala ni o Santo e tauni lailai ka makawa no ga vakataki Levuka mai Naova e na seda kei Viti.
?Na gauna keitou lesu mai kina i Vila, era sa tavaki keitou tale tu mai e na mata mamarau na ivakailesilesi ni matanitu ka ra qaravi keitou voli tiko ena i lakolako oqo,? e kuria.
Kuria o Baravilala ni ratou a la?ki gade, ka veivakamarautaki voli e Vila kei na dua na mataqiriqiri bula na ?Vanuatu String Band?, kadresu ga na sote e na kaukauwa ni tuisi.
E kaya o qasenivuli vakacegu ni ra a qai vakarautaka e dua na i vakayakavi levu na noda marama ni Viti ka ra sa vakawati tu mai kea, ka ratou kalougata talega ni a bau sureti iratou e na dua na vakasigalevu na i liuliu levu ni matabani ni Ovisa e Viti, o Inspector Viliame Bale, ka sa la?ki liuliu voli ni matabani ni Ovisa mai Vanuatu e na gauna oya
?Vica na nodratou vakatagi na Ovisa ni Vanuatu, ka keitou qai sogosogo e na yakavi oya! ?Soqo bula?, dau tukuni mai Gau,? kuria o Baravilala.
E vakaraitaka o Baravilala ni gauna ga e dau caka kina na veitalatala, oya na gauna e dau vakaciriloloma duadua, ka ni ra sa na tu yani na i taukei ni vanua, ka ratou lesu tale mai Viti na i lala nei Lagani, ia, e vakaraitaka o Baravilala ni kena e caka mai Vanuatu e ratou la?ki veitalatala e na dua na delana cecere e na nodra i tikotiko na lewe ni matabani ni Ovisa e na ?Vanuatu Police Station? kei na matabani rogorogo vinaka se rogorogo re?.
?Vinaka Wan Tok – Vanuatu Thank u tumas?
?Sa dua na i sema bulabula e semati koya tu kina o Lagani kei na veiyanuyanu eso e na wasa Pasifika.?
?Me da vakavinavinaka ga ki lagi e na i solisoli ni taledi ka tiko vua, kei keitou na nona i lala, ka sa cakacakataki vinaka sara ga na i solisoli talei oqo mai vua na noda ?Kalou Bula, me vaka ni keitou sega ni dau lavaka e dua na i sau ni neitou veivakamarautaki.?
?Era sauma ga na neitou vodovodo kei na veiqaravi e na vuku ni cili,? kaya o Baravilala.
Sa koto qori e ra na qaqa ni sere keitou dau lagata vata kei iratou na ?Vanuatu String Band? ka a la?ki vulici tu e na vanua totoka oya.
Oh Island in the Sunshine
In the streets of Vanuatu
Happy holidays
Along the beach lovely island, Vanuatu
Beautiful Country long Pacific
Mi stup long home belongo me, Vanuatu,
Beautiful country long Pacific.
Namaka na i talanoa kei Suliasi Cuanilawa e na nona la?ki lagasere ki Rotuma e na macawa mai oqo.
