NA i talitali ni neitou ibe na marama ni Moala e duidui mai vei ratou na yanuyanu keimami tiko vata e yasayasa.
Oqori na veimala ni vosa e cavuta toka mai o Tuicaka Draunidalo na marama ni koro ko Naroi e na yanuyanu ko Moala. E kaya o Draunidalo na tali ibe ni Moala, era se vakavulica mai na nodra Bubu yaco mai vei ira na tinadra ka yacovi ira sara mai na i taba e na gauna oqo.
Kuria ni gauna oqo era sa vakavulica sara tiko vei ira na luvedra goneyalewa, ka me kakua vakadua ni yali na i talitali ni ibe e na nodratou yanuyanu.
Tomana e na nona kaya ni ibe e dau kilaitani kina na yanuyanu ko Moala, sa i koya na ibe kulakulati, ka ra qai dau dui lewa ga na veimataqali walewale cava me ra biuta kina me vaka na roka ni drodrolagi, na i bulibuli ni daimani, na i buliubli ni kalokalo vakabuina, se na se ni ua mai baravi.
?Ni ko sa tuvana vinaka na nomu roka ni kula e na dela ni ibe, ena tosocake tikoga na nomu kila na i walewale ni kula mo tuvana e na i karua, ka vakakina na ibe veitaravi ko na talia,? e kaya.
E kaya o Draunidalo ni gauna era dau volitaki kina na ibe ni vanua o Lau e na dau kilaitani ga na ibe era talia na marama ni Moala, baleta ni veisiwati na veicurumaki ni roka ni kula e ra biuta kina, ka ko sa na vinakata sara ga mo volia.
?O keimami na yasana ko Lau e dau kilai tu e na meca-i-a-fika ga, ka vosa sara ga koya, keimami dau biuta e na i talitali ni neimami ibe, me rawa ni dreta na yalodra na volivoli, ka rawarawa kina me ra tara mai ki tuba ?a ?odra silini,? e kaya.
