E VAKARAITAKA e dua na lewe ni yanuyanu o Vatoa e na Tikina o Ono-i -Lau, ko Tevita Tuikabara ni sa tiko na lalawa me sa na vagunuvi vakavanua na turaga na Tui Vatoa.
Kaya o koya ni otioti ni sa oti oqo e 50 vakacaca na yabaki se veimama na senitiuri e a se vagunuvi kina e dua na Tui Vatoa.
E na 1940 keitou se oka ki na Tikina o Lakeba, ia, e na gauna oqo keitou sa oka ki na Tikina o Ono-i-Lau, e Lau.
Ia, e vakadeitaka o Tuikabara ni dei ivnaka tu na i sema ni veiwekani e na yasana ruarua,
Se caka tu ga vakaveivosaki na i tukutuku oqo e na loma ni komiti ni matabose ni yanuyanu o Vatoa, ia, se bera ga ni vakayacori vaka bose.
Kuria ka kaya ni sa tarava tiko na lalawa me sa na oka vaka Tikina
Kevaka e sa na mau na veitalanoa oqo, sa na rawa ni dei kina na vanua ka vaka kina e na vakarawarawataka na cakacaka ni veivakatorocaketaki e na loma ni yanuyanu o Vatoa, e kaya.
E na gauna oqo e kaya o Tuikabara ni levu na veiqwaravi ni matanitu e tiko e na yanuyanu Ono me vaka na rara ni waqavuka, vuniwai kei na vica tale.
Ia, na i dewadewa mai Vatoa ki Ono-i-Lau e sa sega ni rauta na waqa lalai me vaka na fibre.
Keimami sa dau waraka sara ga na waqa levu.
E vaka talega kina na waqavuka, sa na vakadua sara ki Ono-i-Lau me vaka e tiko kina na rara ni waqavuka ka sa na waraki ga na veisokoyaki ni waqa me rawa ni qai vakaleleci ki Vatoa.
Eda kila vinaka na waqa era dau soko ki na veiyanuyanu ka so na gauna e taura sara e dua na vula.
Kaya o Tuikabara ni oqo e dua na Tikina e gadrevi kina me dua na Tikina o Vatoa me rawa ni vakarawarawataki na veiqaravi e Vatoa.
Sega ni kena i balebale oqo ni sa na mai tamusuki na neimami veiwekani vakavanua kei Lakeba se ki Onoi-i-Lau.
E dei ka matata vinaka tu na neimami veiwekani, e vakadeitaka o Tuikabnara.
