E VAKARAITAKA na Peresitedi vakacegu, na turaga mai Naisogolaca o Ratu Epeli Nailatikau ni vakavinavinakataka na i tavi e soli vei ira mera qarava kina na noda vanua.
Oya na kena soli vei ira na i tutu bibi oqo, me noda Peresitedi mai na 2009 ki na yabaki oqo.
E vakaraitaka ni na tomana tikoga na nona veiqaravi ena buturara ni kena kacivaki ka tukuni na i tukutuku me baleta na mate na HIV/ AIDS.
E kaya ni sa yacova tu oqo na matanitu o Viti e dua na i tagede ni bula, oya na noda sa vakalesui kina bula vakademokarasi.
Na kena vakalesui ki na bula vakademokarasi ena kena sa dola ka cakacaka tiko na Palimedi ena gauna oqo.
Tukuna ni levu sara na bolebole e lako curuma mai ena nodra gauna ni veiliutaki.
E kaya ni vakavinavinakataka na veika e sa qarava tiko na matanitu me baletai ira na noda i tabagone, vakauasivi ena kena tokoni na vuli.
E vakadeitaka o Ratu Epeli ni vuli e dua na katuba ena rawa ni talave cake kina na i vakatagedegede ni bula e Viti, vakauasivi ena kena toso e liu na noda vanua.
E mai vakayacori e dua na soqo ni veitalatala vei Ratu Epeli kei na nodra lewenivale, o Adi Koila ena Vukelulu sa oti, 11 ni Noveba.
E ra sureti mai na mata mai na veimatanitu, o ira na i liuliu mai na veitabana ni matanitu kei na bisinisi.
E vakayacori talega na veiqaravi vakavanua mai vei ratou na i vakailesilesi mai na Tabacakacaka i Taukei, qaravi na voleni vakaivalu.
