Update: 10:27AM RAU a sota mai Lodoni ena yabaki 2014 ko Sultan Kosen na tagane balavu duadua e vuravura kei Chandra Bahadur Dangi na tagane lekaleka duadua e vuravura.
Ko Kosen na kai Turkey e tucake tu e vaka ga na balavu ni vale ni talevoni damudamu mai Lodoni ia na kena veibasai ko Dangi na turaga ni Nepal na kena balavu e tautauvata ni veitaqavi e ono na tini ika balavu.
Ena i matai ni gauna ena Lotulevu ni i ka 14 ni Seviteba ni 2014 e rau mai vakarau na kedrau balavu na lewe rua na tuarga qo ena dua na soqo levu mai Lodoni ka mani tauri talega kina na kedrau i taba ena nodrau veitauri liga vata tu.
Na soqo qo e i ka 10 ni gauna na kena toqai ena i vola i tukutuku ka dau maroroi kina na i tukutuku kei vuravura. E rau a la�ki kau mai na nodrau dui vanua na turaga e rua ena vuku ni kena gadrevi me toqai na kedrau i vola tukutuku.
Na yabaki oya esa yabaki 31 kina o Kosena na turaga dauteitei ka kena balavu e 8 na fiti, 3 na idi ka rawa ni tucake tu ga ka vakacuruma na polo ena matamata ni �basketball�.
A tekivu kilai o Kosen ni tagane balavu duadua e vuravura ena 2009 ena nona sivia rawa na balavu kei Xin Shun na turaga ni Jaina ka kena balavu e 7 na fiti, 9 na idi.
Ia, ko Dangi na turaga yabaki 74 ena 2014 na kena balavu e 21 veimama na idi ka volai tu ena vola i tukutuku kei vuravura ni tagane lekaleka duadua e vuravura.
Ko Dangi e dau talitali ka nona cakacaka me dau raici ira tu na bulumakau kei na �buffaloes ena veidelana mai Reemkholi mai Nepal ka 32 na paodi na nona bibi.
E vakaraitaka o Kosena ena CNN ni marautaka ni rawa ni rau sota kei Chandra ka raica na matana e kila ni dua na turaga yaloyalo vinaka. Ia, o Kosen e taura tale tikoga na i sausau ni liga balavu duadua me tekivu mai na nona i labe ni ika me yacova sara na sovusovu ni nona tubutubu siviti ira e kena balavu e 11.2 na idi.
Ia, ko Chandra a mai kacivi na nona bula ena nona gade voli mai American Samoa ena 2015 ena kena tauvi koya na niumonia, ka mani vukataki lesu na yagona kina nona vanua e Nepal.
