Esa levu na i tukutuku eda rogoca ena nodra dau vakalolomataki ka so era vakamatei sara ena vuku ni nodra lotu kei na vakabauta.
Mai na vanua o Kansas, mai Amerika, e ra kidroa na lewenilotu ni a rogo na cacabolobolo ni dakai ena gauna e vakayacori tiko kina na lotu ena House of Refuge Family Worship Centre.
Tukuna na tabana ni tukutuku, ni a dua na i vacu e a vakamavoataka kina na turaga ka dau veikidavaki ena mata ni valenilotu. E qai curu yani ena loma ni valenilotu, o la oqo, e mani vana na doka ni valenilotu ni bera ni vakanadaku.
Kaya na i talatala ni valenilotu o D’ Eric Fields ni veika e yaco qo, e na sega ni na vakayavalata na nodra qarava na nodra Kalou ka tomana tikoga na nodra vakabauta kei na lotu.
E kaya ni levu era sa tu vakarau me ra solia na nodra bula ena vuku ni nodra Kalou.
E kaya ni dua na valenilotu duatani na kena era lotu tiko kina oqo baleta ni nodra vanua ni vakaruru, era raica kina na liga loloma kei na liga maroroya ni Turaga e maroroi kina na bula ni lewenilotu, dina madaga ni mavoa na tuirara se na turaga e dau veikidavaki.
