Na domo ni Parofisai mai na Lotu i Kavitu

Listen to this article:

Na domo ni Parofisai mai na Lotu i Kavitu

E a lako mai vei ko Setani?

O cei ko ira na agilosi?

Na agilosi i Jiova, sa tiko vakavolivoliti ira era sa rerevaki koya, ka sa vakabulai ira.? Same 34: 7

Eso era kainaki ni sega na tevoro se Setani, e sega na tevoro se Setani, e sega tale ga na i valavala ca. Taroga vei iko na taro oqo: Kevaka sa sega na tevoro, o cei e vakavuna tiko na ca kecega e vuravura taucoko? Ni da biria na dai me coria e dua na manumanu, eda na dau vunitaka na dai. Na tevoro e vinakati keda me da kakua ni vakabauta ni dua tiko na tevoro. Na vosa vaka oqo, se vakanananu vaka oqo e lako mai vua na tevoro, oqo e dua na nona dai. E vakauti ira ki na i valavala ca. e kauti ira tani mai Vua na Kalou.

1. A cava soti na ka e temaki ira kina na lewe vuqa na tevoro?

?A tamamudou na Tevoro, ia dou sa via kitaka na gagadre ca ni tamamudou. Ko koya na dauveivakamatei mai na i vakatekivu, a sa sega ni vakabauta na dina. Ni sa sega vei koya na dina. Ni sa vosa lasu ko koya sa vosataka ga na ka sa tu vua, ni sa dau lasulasu ko koya, ka ni sa vu ni ka oqo.? Joni 8:44.

Eso na tamata era vakaraitaka ni noda vakasama ca sa i koya na tevoro. Oqo e sega ni dina. Na tevoro e tamata dina me vaka e vakabauta ko Jisu. E kaya talega ko Jisu ni ko Setani oqo e tamata daulaba ka dau lasu talega. E kauta mai ko koya nai valavala ca kei na lasu e vuravura oqo. Ni da cakava na i valavala ca eda vakaraitaki ni dua dina na tevoro. Eda vakaraitaka talega ni da muri koya tiko. E na dua na vakaraitaka talega ni da muri koya tiko. E na dua na gauna e liu mai lomalagi, e a bual tu kina na tevoro, ka i valavala dodonu.

2. Ea a lako mai vei ko Setani me vaka e vakaraitaka ko Jisu?

?Sa kaya vei ira ko koya, au a raici Setani ni sa lutu mai lomalagi me vaka na livaliva.? Luke 10:18

3. Io, oqo na ka e kainaka na Turaga, ni a raici Setani ni a lutu mai lomalagi.

Ko cei na yacana na tevoro e na gauna a tiko kina mai lomalagi?

Ia, na nomu lutu mai lomalagi, ko iko Lusefa na kalokalo i vola siga na nomu ta vakabalei sobu kina qele, ko iko ka dau veivakasaurarataki na veimatanitu.? Aisea 14:12.

Ko Setani e a dua na agilosi totoka mai lomalagi. Na yaca Lusefa, a kena i balebale-Kalokalo ni Siga. e turaga serau ka totoka ko koya, me vaka na matanisiga sa qai cadra.

4. A vakasama ca cava a lako mai vei Lusefa? A cava e vakayacora ko koya?

?Io ko a kaya e lomamu, ka?u na cabe ki lomalagi, kau na vakaceceretaka na noqu i tikotiko me cecere ka lolovira na kalokalo ni Kalou ka?u na tiko talega e na dela ni ulunivanua ni soqoni, e na tikina ki na Tokalau. Ka?u na cabe kina yasana ki cake me no ki ra na o. Ka?u na tautauvata kaya sa cecere sara.? Aisea 14:13,14.

Ko Setani e dua tu na agilosi mai lomalagi. Ea sega ni via vakarorogo Vua na Kalou. E a via tui ko koya me vaka na Kalou. E a via tautauvata kaya na Kalou. E tukuna ko koya, ?Au na tautauvata kei Koya sa Cecere Sara (Kalou). Sa rui dokadoka ko koya. Na nona qaciqacia oqo e vakavuna na nona i valavala ca.

?Ko sa vutu ni vuku, ko sa lagilagi duadua ga. Ko a tiko mai Iteni na were ni Kalou. Ko sa ubi ga e na vatu talei kecega, … ko iko na Jerupi ka lumuti na kena i vakaruru, ia ka?u a vakatikori iko, ko a tiko e na ulunivanua tabu ni Kalou,… sa dodonu sara ko iko ena nomu i valavala mai na siga ko a buli kina, ni se bera ni kune vei iko na caka cala.? Isikeli 28:12-15.

5. A cava so na ka e a lako mai e na yalo i Lusefa me vakavuna na nona dokadokai koya?

?Sa laveti cake na lomamu e na vuku ni nomu lagilagi, o sa vakacacataka na nomu vuku ni ko sa mata vinaka.? Isikeli 28:17.

Ea vakasamataka ko Lusefa na nona lagilagi kei na nona vuku. Ea dokadoka sara ko koya, ka nanuma me sa uasivi cake ko koya mai Vua na Kalou. Oqo na i valavala ca. E a lomani Lusefa na Kalou. Ia ko Lusefa e dua ga na agilosi- a buli koya na Kalou. E na gauna sa dokadokai koya, sa veisau na yacana. Nai Vola Tabu sa vakayacani koya me Setani. Ia oqo ko Setani sa vinakataka me vakataki Koya na Kalou, ka nanuma me veiliutaki me sivia na Kalou.

6. Ko cei a biuti Setani tani mai Lomalagi?

?A sa tubu na i valu mai lomalagi, o Maikeli kei ira na nona agilosi era veivala kei na gata levu a sa ia vata na i valu na gata levu kei ira na nona agilosi, a ra sa sega ni gumatua, a sa sega tale ni kune e dua na nodra tikina mai lomalagi. A sa biu tani na gata levu, na gata makawa, a yacana na tevoro kei setani, o koya sa temaki ira kecega na kai vuravura a sa biu ki vuravura a ra sa biu vata kaya na nona agilosi.? Vakatakila 12:7-9.

E dua sara na gauna balavu na nona a gadreva tu ko Setani me veivala vata kaya na Kalou. Ea vosa vei ira eso na nona i tokani agilosi. Era lewe vuqa era muri Lusefa, ka ra vakabauta ni sa sega dina ni vinaka na Kalou. Era cata na Kalou ka ia na veivala, ka valuta na matanitu ni Kalou. Sa vakasoqoni ira na Nona ko Jisu, ka sa mani yaco na i valu mai lomalagi. Qaqa ga ko Jisu, ka sa vakasevi tani mai lomalagi ko Setani kei ira vata kay ana nona i tokani ca. Ka ra sa mai vakaitikotiko e na vuravura oqo.

7. E vakacava nai rairai kei Setani?

?Ni sa vakamataliataki koya ko Setani me agilosi ni rarama.? 2 Koronica 11:14.

E vuqa nai yaloyalo kei Setani e vakaraitaki tu ni vaka i leu, ka vakayavana me vaka na pulumokau ka vakabuina ka taura tiko e dua na moto, nai yaloyalo oqo e sega ni dina. Oqo e dua na gaunisala ni nona lasu vei ira na tamata. Ko Setani e an dau ukutaki koya me rairai totoka. E na dau vakaraitaka na nona cakacaka me uasivi. Ka ra nanuma e vuqa ni oqo e cakacaka ni Kalou. Ka sa i koya oqo na gaunisala ni nona tuberi ira tani na tamata mai Vua na Kalou.

8. A cava na nona cakacaka na tevoro?

?Sa temaki ira kecega.? Vakatakila 20:16

Na nomudou meca na tevoro sa veilakoyaki voli me vaka na laioni sa tagi, a sa vakasaqara eso me tiloma. 1Pita 5:8.

?Dou sa ca koi kemudou sa tiko e vuravura kei na wasawasa, ni sa lako sobu vei kemudou na tevoro, a sa cudru vakalevu, ni sa kila ko koya e na sega ni dede na nona gauna.? Vakatakila 2:12.

Ko Setani e na veivala tiko ga kei na Kalou, ka na tovolea me vakacacana kece na veika vinaka sa cakava ko Jisu. E via vakarusai ira kecega na tamata era muri Jisu tiko, ia na Kalou e lomani ira oqo. E a vakabulai ira mai na kaukauwa ni tevoro. Na i vakataotioti ni gauna sa voleka. Ka kila talega ni sa lekaleka sara na nona gauna. E vinakati keda kece me da valuta na Kalou. Ni da sai valavala ca eda sa cakava tiko na cakacaka nei Setani.

9. Na Kalou e sega ni bulia se cakava na tevoro.

Kainaki mada, ni dua na marama e vakasucuma e dua na gone lailai totoka sara. E a vakavulica na gone oqo ko tinana me gone i tovo vinaka sara. Ia e na gauna sa tamata bula mai kina, sa qai sega ni muria nai vakasala i tinana. Ea cudru na gone oqo, ka vakamatea e dua na tamata. A vakasucuma beka ko tinana na gone oqo me dau laba? E sega, na gone oqo a sucu me i tovo vinaka. E a cakavi koya ga me dau laba. E buli koya ga me sega ni muri Koya na Kalou. Na Kalou e buli Lusefa me vinaka, ka me i tovo vinaka me vakataki ira na agilosi mai lomalagi. Ia, ko Lusefa e na vuku ni nona dokadokai koya, a valuti Koya kina na Kalou. Ko Lusefa a buli koya ga me Setani, na Kalou e sega ni cakava na tevoro.

10. E a sega ni vakamatea na tevoro na Kalou ena gauna ga sa qai valavala ca kina. Baleta na cava?

Na Kalou e laivi Setani kei ira vata na nona agilosi me ra kunea ni ka ca nai valavala ca. Koi keda kece me da raica ka vakadinadinataka ni a cala dina ga na tevoro. E na vakaraitaka li vakaevei na Kalou ni ca nai valavala ca? E kila tu na Kalou ni valavala ca e na kauta mai na mate kei na rarawa, Oqo e dua na i vakaraitaki vinaka levu vei ira na agilosi savasava kei ira na i taukei ni veivuravura sega ni cala, ni a cala dina ga na tevoro. E vakatarai Setani me bula voli na Kalou me kunea ni ca dina nai valavala ca. E vinakati keda na Kalou me da muri Koya baleta ni da lomani Koya dina. E rawa me da digitaka me muri Setani se muri Koya na Turaga ko Jisu.

Sa noqu masu meda vakabauta na vosa ni Kalou ka talairawarawa ki na ka e tukuna.     Ena qai tomani tale yani.