Search

Vakila o Namosi

Ea taqeya dredre na timi ni Namosi na kaukauwa ni qito nei Nadroga ena nodrau a sota ena fainala ni bilo na Skipper ka?a vakayacori maI Nadi ena yakavi ni Vakarauwai sa oti ka qaqa kina na timi ni Nadroga ena 59 kei ruasagavulu ka va.

Ea tabaka na timi ni Nadroga e walu na sikoa ka va e rawata o Namosi .

E vakilai na veisivi ni kila e tiko vei rau na timi e rua, vakabibi nai yatu e liu ni Nadroga ena nodra vakaraitaki ira tiko o Setefano Samoca, Ratu Seru Cakobau, Sekonaia Kalou, Sailosi Dawai, Apisai Moioi Eremasi Radrodro kei kavetani Nemani Nagusa.

Vei Namosi e totoka na qito ni vica nodratou cauravou me vakataki Viliame Rogose, Lasaro Saqanavere, Petero Suinika kei Risiate Tadulala.

Enai matai ni veimama e sega tale ni qai vakamalua na I yatu e liu ni Nadroga ena nodratou sa vakadodonutaki iratou sara tiko ga na kedratou I sa mai Namosi me vaka ni sega soti ni kaukauwa vinaka nai lati ni tataqomaki.

O Kalou ea vakaraitaki koya tiko ena nona rawata kece na polo ena viri ena gauna ni laini kei na nona kauti rau e rua na lewe ni timi ni Namosi kina laini ni sikoa. Vei Namosi e veiliutaki maqosa toka mai kina nodratou naba tini o Kitione Taliga ena I yatu e muri ia e dredre me cila cake ena nodratou sa vakasasataki koya vakadua tiko o Moimoi, Nagusa kei Radrodro.

?Ea seva e levu na I naki ni noqu saga meu cakava na neitou I lawaki ena nodratou sa makataki au tiko vakadua na timi ni Nadroga,? tukuna o Taliga ka lewena tiko na timi lewe ya vitu ni Viti.

Ena sikaramu kei na laini, e ratou kaukauwa sara na timi ni Nadroga.

Ena I yatu e muri erau soli vukivuki sara o Apisalome Waqatabu kei Joeli Lutumailagi ka rau yadua na sikoa vei Nadroga. Vei Namosi eratou qito vinaka o Jone Naucabalavu, Aliposo Rauto kei Abele Yalayalatabua.

E tolu na cauravou mai na timi ni Namosi o Vaione Tagi, Viliame Rogose kei Kolaia Bucalevu eratou vauci tu ena vuku ni lawa ka ratou curu tiko e loma ia na veivakabauti mai vei ira na veiliutaki e vakatarai tiko kina mera qito ka totoka sara nodratou I vukivuki e rara.

E dua vei iratou o Rogose e tukuna ena I Lalakai ni dredre sara ga me ratou sogoti Nadroga.

?Na kila ni qito e tiko vei iratou e vakavuna na veiyawaki ni kai, e duatani sara ga na kaukauwa e tiko vei Nadroga ka seva kina e so na I naki vuni keitou a kauta tiko yani e rara.

?Au via vakavinavinaka vei ira na noqu I tokani lewe ni timi ni Namosi ena vanua keimi sa mai yacova,? e tukuna na cauravou ni Tau mai Nadroga oqo kasa voleka ni suka mai tuba, ka kuria, nona gagadre me mai qito ena timi ni Nadroga.

E tukuna o Max Hughes e dua na I vakailesilesi ni Namosi, ni o iratou na cauravou e tolu oqo ena veivuke sara nodratou bula ni veisau ena nodratou vakavulici tiko ena cakacaka vata ena loma ni timi. Ia ena I lakolako ni qito e tukuna o Hughes ni ratou sega ni vakamuria na cauravou na ka ea tukuni vei ira.

?Eratou a caqeta lesu tale tiko na polo vei Nadroga ka dua na ka oqori e tabu mo cakava vei Nadro baleta ni ratou dau kena mesamesa ena kena dau saumi mai ena kabakoro,? e tukuna o Hughes ka a dau ni veiterenitaki tu ni timi ni Nadroga e liu.

E tukuna o Epeli Kurukitoga ka cavutu mai Malakati, Nacula mai na Yatu Yasawa nona matalau ena nona mai sara fainala.

?E sivia na duanadrau na dola au a vakayagataka enai vodovodo ni waqa mai na koro ki Lautoka meu mai sara qito ga ia na I vukivuki ea cakava o Nadroga e mate sara ga kina na I lavo ena nodratou meke toka e loma ni rara,? e tukuna o Kurukitoga.