Search

ISIRELI Na lotu! Na Lotu!

KI Mitzion – tetzei Tora – ud?var – Adonai – Mirushalayim

Ni na lako yani mai saioni na i vunau kei na vosa i Jiova mai Jeruisalemi

For out of Zion shall go forth the Law and the word of Lord from Jerusalem – Aisea 2: 3

Kaya o Lekima Lawetoakula na turaga i taukei ka lumuti mai vei ira na Jiu ka ra ai vakavuvuli se na Rapai mai Isireli ni na yatayata sara vakalevu na Vanua, Matanitu kei na Lotu e na vakatulewa ka na levu talega na yavavala e na levu na ka e na veiveisau ni da sa tekivu me da cakitaka na Gone Turaga ko Jisu Karisito.

E kaya o koya ni oqo e dua na ka rerevaki e na i vakatagedegede ni nodra bula na tamata digitaki ka dua bulu ga na i uma tamata ka kaciva na noda Kalou Bula ko Jiova ka mai dewadewa ni lomana e vuravura taucoko.

Kaya o koya ni Kalou Levu ga oqo ko Jiova e nodra Kalou ga na Isireli.

?E digitaki ira ga na Isireli,? e kaya o koya.

?Ni ko sa cakitaki Jisu, ko sa cakitaki Isireli, ni ko sa cakitaki Isireli ko sa cakitaka tiko na noda Kalou Bula ko Jiova.

?Ni ko sa cakitaki Jisu talega ko sa na cakitaki Tevita, kei Eparama ka vakasauri ko sa na cakitaka talega na noda Kalou Bula o koya ka bulia na lomalagi kei na vuravura.

?E sa na dua sara na tama ni vakacala-ka vakaitamera levu ki na Vanua, Matanitu kei na Lotu ni kevaka eda sa cakitaki Jisu Karisito, na noda i vakabula,? e dusimaka.

Tomana ka kaya e na Nona kaukauwa ga na Gone Turaga ko Jisu Karisito ka noda i vakabula, o koya ga e na vakavuna me da sa na dau druka yarayara voli ga.

Maciu 18:18- ?A ka kecega dou na vauca e vuravura e na vauci mai lomalagi.?

E vakamatatataka o Lawetoakula ni ka kecega eda na sereka e vuravura e na sereki mai lomalagi kena i balebale nida cakitaki Isireli e na vuravura oqo eda na caitaki mai vua na Tamada Vakalomalagi.

?Ia, ni kevaka era sa sereki koya ka sega ni cakitaki koya e vuravura oqo, eda na sereki talega vaka kina mai vei Tamada na Kalou Bula ko Jiova.?

E kuria ka vakaraitaka vakamatata o koya ni dodonu me kila ko vuravura taucoko bau talega kina ko Viti ni liuliu ni Vanua, Matanitu kei na Lotu e vuravura taucoko ko Isireli.

?Ko Isireli e tamadra vakayago na veimatanitu kecega e vuravura.?

E kaya o koya ni ko Isireli e kena i balebale vaka Iperiu na Isra – Help; El – God.

?Ko Isireli e kena i balebale Na Kalou ni Veivuke.?

Baleta, e kaya o Lawetoakula, ni kevaka ke sega ko Isireli, ke sega na noda i Vola Tabu, ke sega o Isireli na noda Lotu, ke sega na noda vanua ke sega ko Isireli, ke sega na noda matanitu ke sega o keda, ke sega ko Isireli ke sega na noda vuravura taucoko.

?I Jiova na neimami Kalou, ni totaki keimami mai ka yalo loloma mai vei keimami na lewenivanua se na kawa i Taukei kei Viti.

?(Hebrew) Rijeh Hashem Elloheynu – Biamicha – Fiji.?

The three legged stool: (i) Na vanua (ii) Na Matanitu (iii) Na Lotu

E vakaraitaka na turaga ni Ra ka bula vata tu kei ira na Rapai me ciwa na yabaki eda dau vakataroga se cava e rau matanitu kaukauwa kina o Amerika kei Peritania.

?Na vuna e baleta ni rau dau valu baleti Isireli, rau dau vukei Isireli ka rau dau masulaki Isireli.

?Ia. o keda eda vakatokai tu na kai matanitu tani se na Gentiles. Sa vakadinadinataka tu o vuravura ni o keda eda qai bau wili talega vua na Kalou oqo baleta ga e dua sa i koya na Gone Turaga ko Jisu Karisito,? e kaya.

Tomana ka kaya nida dau masu e dau balavu tu na noda talimagimagitaka tu na noda qaqa ni masu, ia, e dau la?ki tini ga vaka oqo e na vuku i Jisu Karisito na neimami Soro kivei Kemuni ka i Vakabula.

E na i Vola tubutubu i Jisu Karisito na luvei Tevita, na luvei Eparama.

?Kena i balebale gona oqo vakasigalevu tutu e na sega ni dua e na cakitaki koya rawa ni ko Jisu Karisito e i Vakabula kei vuravura taucoko sara.?

Vinaka vakalevu.: Toda Raba

Peace upon you

Shalom – Eleychem