ESA mai jabeni vou ni bilo na Tui Vusu na timi ni Lomawai ni oti na nodratou vakadruka na timi ni Ovisa ena kai 16 kei 12 ena sotasota ni kalavo ni rakavi e Nadroga ena Vakarauwai sa oti.
Na bilo na Tui Vusu e valataki tiko vei ira na veitimi ena i karua ni wasewase ni qito rakavi e Nadroga.
Ena i katolu ni wasewase e jabeni tiko ni bilo na Davutukia na timi ni Veisabasaba ena nona vakadruka na timi ni Kadavu Stallions ena kai 12 kei 5.
Ia, vei ira na veta e cake e na Top 16 e taqomaka lesu tale na timi ni Sigatoka Bulls na bilo na Kalevu ena nodratou vakadruka na timi kaukauwa ni Ratu Filise ena kai 7 kei 5.
E tukuna na dauniveivakatavulici ni timi ni Ratu Filise o Kini Boletawa ni qito veivolekati sara era cakava nona cauravou.
?Dina ni sa sega ni rawati na Kalevu, ena sega ni tarova na neimami vakavakarau ena so na sotasota ni qito lewe ya vitu ka na vakayacori tiko ena mua ni yabaki oqo kei na yabaki ka tu mai.
?Keimami na tosoya cake tale ga na neimami vakavakarau ena qito tinikalima ena yabaki vou ka me so tale na neimami gone era lewena na timi levu ni Nadroga,? e tukuna o Boletawa ka a lewena tu na timi ni Fiji Bati e liu.
