kacivaka tale na Minisita ni Veivakacakacakataki o Semi Koroilavesau ni ratou sa vinakata tiko mera vakau e lewe 500 tale na noda lewenivanua me ra la?ki cakacaka ena ruku ni veivakarautaki ni beti vuata kei na kakana draudrau ka vakatokai na Regional Seasonal Workers Scheme.

E namaka talega o koya me na sotavi ira na noda era a sa gole ki na veiqaravi oqo ka ra kaya tiko nira taura tiko e dua na i sau e lailai sara ka so e sega sara ga ni dua e na i lavo e vo e na gauna era dau veisaumi kina e na mua ni vula oqo.

Sa vakadeitaka o koya ni na sikovi ira taucoko o ira era a gole taumada ka ra la?ki veiqaravi tiko e na ruku ni porokaramu oqo.

Ia, e kuria ka kaya e sega tiko ni macala na vanua era sa tiko kina e na gauna oqo o ira era a kudruvaka tiko na kedra i sau, kevaka era tiko e na vanua era veiqaravi tiko kina e ratou na sikovi ira, ka vosa talega vei ira.

Era a biu cakacaka mai vei ira na nodra i taukei ni cakacaka se konitaraki e dua na i lawalawa era gole yani e Viti e na i tekivu ni vula oqo ka ra kaya ni sa sega sara ga ni dua na i lavo e vo mera bula rawa kina ni oti na musumusu ni vakacavacava, inisua ni bula kei na i sau ni nodra i cili e vakayacori ki na kedra i sau.

E a sa vakaraitaka oti na Minisita ni Veivakacakacakataki mai Ositerelia ko Michaelia Cash ni sa vagolea taucoko na leqa e vauca veika oqo ki na tabana ni Fair Work Ombudsman me na dikevi kina.

Ia, e sa vakaraitaka o Koroilavesau ni gauna e na veisko kina e na gadreva me ratou na la?ki veitalanoa kei iratou na kena i sema vakacakacaka mai Ositerelia ka sotavi ira talega na tamata cakacaka era gole yani e na noda vanua.