E MAI vakaraitaki koya tale na koronivuli ni Navosa Central College ena nona mai vakadruka na timi ni Nasinu Secondary School ena 16 kei 8 ena semifainala ni rakavi tinikatolu vei ira na gone vuli yabaki 19 lako sobu ka?a caka na qito oqori ena rara e Lawaqa ena Vakarauwai sa oti.

Tukuna o Suli Cakautabu, e dua na vakailesilesi ni rakavi saumi e Nadroga nira qito vinaka sara na cauravou ni Navosa.

?Na tataqomaki ni timi ni Navosa ea toka sara e cake ka vakavuna mera tavaiyaya kina na timi ni Nasinu ka dua na vanua oqori e marautaka sara.

??E vica tale ga na cauravou vinaka era qito tiko ena timi ni Navosa ka rawa nira na yaco kina dua na vanua vinaka ke ra tomana tiko ga na i vakarau ni qito era sa cakava tiko mai,? e tukuna o Cakautabu.

E kuria ka kaya ni rau sa na fainala tiko o NCC kei na timi ni Ba Provincial School ena Tusiti ni macawa mai muri ena rara e Lawaqa.

?Sa qai vo ga vei ira na dauveitokoni mai Navosa mera mai tokoni ira nodra cauravou e na fainala, au raica tiko ni lailai sara tiko na veitokoni vei ira na gone vuli e Navosa.

?Kevaka sa rawa vei keimami na kai Kadavu me keimami mai veitokoni tiko kina timi ni Navosa, na cava e qai dredre kina vei kemuni na dauveitokoni kina timi ni koronivuli na Navosa mo ni sega ni yaco mai kina e rara?,? e kaya.