TINIKARUA na yabaki ni nona vakukauwa yago voli mai e sa na gadrevi me na vakatovolei e na i matai ni gauna vua e dua sa kenadau e na veivacu e na dua na gauna balavu e na sotasota ni veivacu ka vakarautaka na Toe to Toe Boxing Promotion ka na vakayacori e Nadi e na macawa mai oqo.
Ono na fute ka rua na idi ka toka e na i vakatagedegede na Super Welterweight, e na via vakadinadinataki koya o Junior ?The Rock? Feroz ena i matai ni nona veivacu e na nodrau na calidi vata tiko Ulaiasi ?The Sweet? Qalomai e na va na wavoki.
Sa yabaki 25 ka sa matua vinaka na nona vakasama ka namaki me na dua na veivacu e na namaki sara vakalevu nodrau sota na tagane e rua oqo.
E vakaraitaka na turaga nona i tubutubu o Abdul Feroz ka cicivaka tiko na veivacu oqo kevaka me a sega li ni vakaukauwa yago tiko mai e na loma taucoko ni 12 na yabaki oqori ke sa toka e na light heavyweight na kena bibi.
Kaya o Abdul mai na vakaukauwa yago e vakayacora tiko mai na luvena o Feroz, e a vinakata me toka dei ga na kena bibi.
?Au rawa ni tukuna vei iko ni na carasoqosoqo o koya ena nona i vakatagedegede,? kaya o Abdul.
Tomana ka kaya ni sega ni vulagi o Qalomai e loma ni rigi ka sa balavu na nona qito voli mai.
?Lewe levu era na vakataroga se cava au vakayacori kina na cavuikalawa oqo me vaka ni se qai matai ni veivacu nei Feroz, ka rau sa biu vata sara kei dua e sa qaseta na qito oqo?
?Au via tukua ga e ke, ni?u sega ni biuti koya e kea o koya na Rock e na vuku ga ni noqu gadreva me rawa ga na noqu porokaramu.
?Ia, mai na dei ni noqu vakabauti koya ni na rawa ni na vakadinadinataki koya e na i matai ni nona veivacu,? e sauma o Abdul.
Ia, na veivacu levu e rau na sota tiko kina o Junior ?The Razor? Farzan Ali kei Maka Sitaleki, e dua na cauravou ni Toga Matanisiga.
E na sotasota tale eso e na walu na wavoki o Johnny ?The Machine Gun? Singh kei Frank ?The Knockout? Fraisier; ono na wavoki o Simioone Tui mai Navosa kei Savenaca Naliva, Sorokoba, Ba; Tomasi Dago e Suva kei Joseva Vaileba e Draiba, Navosa; Junior Wahid Khan e Lautoka kei Kamlesh Mani e Suva.
Curucuru e tauya $25 kei na $15.
E na tekivutaki tiko e na veimama ni lima e na yakavi ni Vakarauwau e na Prince Charles Park e Nadi.