SA mai tomana tale qo ko Ratu Manasa Koroi Komaivunuku nai kuri ni nona i tukutuku me vaka e dau cau tiko kina mai na yabaki sa oti.
E a mai tao tu na nona cau e na vuku ni a vakaleqai na nona i tikotiko mai na Cava o Winston e na yanuyanu o Koro e na Yatu Lomaiviti.
Ni tei wilika sara yani.
Ni sa bula vinaka sa ? ka tale mai na noda Lewe ni Vanua ko ni dau taleitaka na dau wilika na noda pepa dokai oqo Nai Lalakai.
Taumada e gadrevi me vakavinavinakataki tikoga na Dauveibuli ena vuku ni Nona lewa ka sega vakadua ni vakalasui rawa na Nona vosa me vaka era tusanaka tiko mai vei keda na Noda Daunivucu ena veitaba yabaki eda sa sivia oti mai, me vaka eda a dau veitalanoa tiko kina ena veimacawa ena pepa dokai oqo.
Au via vakavinavinaka talega vei kemuni na dau wili pepa ko ni dau qiri mai, ka so era mai raici au sara ena vuku ni nodra lomatarotaro ni sa mai lutu koto ena vica na macawa nai ulutaga kamica na i balebale dina ni vucu vakaparofisai, se vosa vuni.
II Pita 1:20-21:
Joni 17:22 – Ia, na vakarokoroko ko ni a solia mai vei au, kau sa solia vei ira mera duabau, me vaka e daru sa dua bau.
Sa i koya sa?ka oqori na i tovo vakalou era kilai tani kina na tubuda e liu ka i vakadinadina kina vei keda na i talanoa nei Maciu 2:1,10,11
Eda vakavinavinaka vakalevu Vua na Kalou, i Evaraama na tukada ni digitaki keda na kawa i Taukei e Viti me maroroya na veiyalayalati ena noda bula ena veisiga oya na bula ni veiwekani, kei na veivakaturagataki ka da kilai tani kina o Viti mai vei ira na veivanua e Vuravura.
Same 22:30-31
Kemuni na noda, au sa cauraka oti mai cake ni da sa vakayalia tiko nai taba-tamata nikua nai tovo ni bula lagilagi e teivaka na dauveibuli ena kawai taukei me da veiqaravi kina Vua na Kalou, kei na vanua kara a vakadeitaka tu na qase e nai bole ni vanua me kua ni guilecavi =NOQU KALOU=NOQU VANUA
Au sa vakamasuti keda saka na lewe ni vanua o Viti (Kawa i Taukei) e sega ni nodra na vulagi nai tukutuku oqo, baleta ni sega ni tea na Kalou vei ira, e noda ga na kawa i Taukei (Kaiviti) e cakava na Kalou vei keda mai na loma ni kete i Tinada ka eda sucu kaya ga mai me vaka nai Vola Tabu ena Same eda sa wilika oti mai cake.
Sa mai vakanadaku oti o Winston, na cagilaba era vakadeitaka tiko na qase ena vucu vakaparofisai me cagilaba ni veisau me tarovi kina na lako cala ni vanua me vaka nai tuvatuva ni Kalou e Viti.
Au gadreva meu cavuta vei keda nai matai ni vakasala mai nai otioti ni vola enai Vola Tabu nai vola ni Vakatakila i Jisu Karisito. Oqo nai otioti ni vola – otioti ni tukutuku – ki nai otioti ni tabatamata ki nai otioti ni tabagauna kei vuravura.
E kaya va qo ne e na Vakatakila 2:4-5!
– Mo nanuma ga na ka ko sa lutu tani mai kina, ia, mo veivutuni ka cakava na cakacaka taumada. Ia, kevaka sa sega kau na lako vakasauri mai vei iko ka kauta tani na nomu tutu ni cina mai na kena tikina kevaka ko sa sega ni veivutuni.
Kemuni na wekaqu lomani, nai balebale ni vosa na ?VEISAU? oya na ?VEIVUTUNI?.
Na veivutuni, me saumaki lesu mai kina vanua eda sa vakanadakuya ena noda i lakolako, se meda lesu tale ka raica na nodra i lakolako makawa noda qase taumada.
Me vaka nai Vola Tabu ni kaya, dou tu ena sala ka vakararai, dou taroga lesu na i lakolako makawa,
Ia, ni dou sa lako tu, dou na qai rogoca e dua na vosa mai dakumudou ni sa kaya, oqo ga na sala mo dou lako tu ga kina ka dou na kunea kina na vakacegu ni yalomudou.
E na qai kuri tale yani.