E RAICA na tabana oqo ni na daumaka me na vakalesui keda tale mada ki muri me da raica lesu na noda i lakolako makawa ka me bau rawa ni vakadodonutaki kina na noda i tosotoso e na gauna oqo.

E na kena tekivutaki na niusiveva oqo e na 1962 e a dua kina na nona cau na turaga na i Liuliu ni Veitarogi Vanua kei na i Qolioqli ko J.S. Thompson.

E a vaka koto oqo na veika e cauraka:

?Au sa nuitaka ni na tabaki e na pepa oqo na veika dodonu ka yaga kei na veika ka na rawa me vukea na sasaga e na i tovo ni bula ka da sota kaya tiko edaidai.

?Sa na rawa talega me rogoci e na pepa oqo na domomuni na lewe ni vanua, ko ni na raica talega kina na nodra nanuma se vakatutusa e so tale e na veika era vinakata se cata me kilai raraba, me vaka ga na kena i vakarau mai na veivanua tani tale e so e na noda matanitu.

?Sa dei tu na noqu vakanuinui vinaka ni na yaga sara vakalevu vei kemuni na i Taukei na i takitaki ni Nai Lalakai.?