SA na tekivu oqo e Viti me na qai tete yani na veilako ni Turaga na Kalou e na nodra yalododonu ka kacivi tiko kina na kawa i Taukei ena i otioti ni gauna oqo e na kena vakayacori na lomadra ena noda vanua.
SA na tekivu oqo e Viti me na qai tete yani na veilako ni Turaga na Kalou e na nodra yalododonu ka kacivi tiko kina na kawa i Taukei ena i otioti ni gauna oqo e na kena vakayacori na lomadra ena noda vanua.
E vakaraitaka o Merelita Tavakaturaga, e dua na marama ka cau tiko e na vuku ni Matanitu ni Kalou kei na nona Yalo Dodonu ni virkotori e na i Vakatakila 14:7: ?Dou vakarokoroko vei koya ni sa yaco na nona gauna me lewa, ia, dou vakarokoroko vei koya ka buli lomalagi kei vuravura kei na wasawasa kei na i vurevure ni wai?.
Ai matai ni veilakovi yani sa mai tamata na vosa ka lakovi kina na Tokalau e Loma (Isireli vakayago). Ai karua ka ai otioti talega ni veiakovi sa yaco mai oqo e Viti e na nodra yalododonu na Turaga na Kalou ka kacivi keda kina na kawa i Taukei.
Na veitalatalati ni Turaga na Kalou vei Eparama ka bubului kina vei Aisake ka sa vakadeitaka vei Jekope me i vunau, ia, vei Isireli me veiyalayalati e sega ni oti.
Same 105: 9-10: E kaya kina na Turaga na Kalou e na Jemeraia 31:31-34 nira na cakava tale e dua na veiyalayalati vou. Sa i koya na i Vunau e Tini na vatu raraba e rua ka volai ena i qaqalo ni liga ni Kalou ka ra a talaidredre kina na Isireli nira a vakacataka na veiyalayalati ko ya.
Sa loloma na Turaga na Kalou sa dusi Viti na madigi e na vuku ni veiyalayalati e na kena tugani na i Vunau e Tini e lomada ka me volai e na yaloda sa i koya na Isireli Vakayalo me da na talairawarawa tale e na veiyalayalati oqo ni yalayala tiko na Turaga na Kalou mera na lesuvi tale na Isireli, ia, sa dusia na Isireli vakayalo (talairawarawa ki na vosa ni Kalou).
Sa yaco me mai tamata na vosa ni Kalou na nodra loloma ka mai solia nodra bula na Gone Turaga ko Jisu e na vukuda na tamata i valavala ca. Sa ra na lesu cake tale me yacova na gauna me na caka tale me vinaka kina naka kecega (Cakacaka 3: 20-21).
Oqo e sa i otioti ni gauna me sa na mai veivakadodonutaki keda kina na nodra yalododonu, ia, sa gauna vinaka kei Viti na gauna sara ga eda sa tu kina oqo. Ni sa sega ni ka sa caka tiko e Viti edaidai me sega ni cakava tiko na Turaga na Kalou. E kaya vaka oqo na Aisea 42:21: ?Sa vinakata ko Jiova e na vuku ni nona yalododonu me vakalevulevuya na vunau, ka vakarokorokotaka. Sa i koya ga na i Vunau e Tini na Loloma – na i vunau ni veisereki e na vuku ni nodra yalododonu (Yalo Tabu) o koya me da sa semati keda kina ka me sa cakacaka na nodra Yalo Tabu ki na loma ni tamata e na kena tugani na i vunau ka volai e na yaloda ni sa i keda ga na kato ni vosa me vaka sara ga na nona a tugana ko Mosese na i Vunau e Tini e na loma ni kato.
E na qai kuri tale yani.
