E VAKARAITAKA o Rev. Koneferenisi Tuaiaufai na nodra i liuliu na gole mai American Samoa kei Samoa ni ra marautaka sara vakalevu na i Tabagone na keba macawa 1 ka a vakayacori mai Davuilevu e na macawa sa oti.
E kaya ni ra lewe 65 kece na lewe ni keba oya, e 31 e ra gole mai Samoa, ka 34 era gole mai Niu Siladi.
Kuria o Tuaiaufai ni lewe levu vei ira na gole mai Samoa e saumi mai na nodra i vodovodo e na nodra valenilotu, ka lewe vica sara e ra dui sauma ga mai vakataki ira na nodra.
Vakaraitaka talega o Tuaiaufai ni dina ni ra mai sotava tiko na draki ca, ia, era taleitaka sara vakalevu na i Tabagone mai na nodratou vanua na veimaliwai era mai sotava kei na nodra i caba e Davuilevu ka vakabibi ni lewe levu vei ira era se qai butuka Viti vakadua.
Tomana o Talatala ni levu sara na veika vovou e ra mai vulica me vaka na kena vakayagataki na veika bula e wavolita tiko na noda i tikotiko, ka vakabibi e na nodra vakavulici na i Tabagone me ra kakua ni dau madua kevaka e yaco vei ira e dua na vakacalaka vaka na bukete dole, kei na veika tale eso.
E dodonu mo dau gole vei ira na kena dau ni veivakasalataki, ka so e sa dau lekaleka saraga na nodra rai ka vakavuna me so na goneyalewa e dau vakaotia saraga kina na nodra via tiko e na dela ni vuravura oqo.
Kuria ni Kalou ga sa i wali ni noda duidui leqa, ia, ni da sa vakararavi ga vua, e na sega vakadua ni yaco vei iko na vakasama lolovira oya.
Tinia ga o Tuaiaufai ni sa nanamaki tu na matanitu o Samoa me ra na waraki ira na i Tabagone e na yabaki 2018.
