DUA na veidigdigi dredre e bau qai sotava o Peni Sorowale, yabaki 73, na nona a vakaitavi e na Lotulevu sa oti e na veidigidigi taumada e na koro o Rukua, Beqa.
E dusimaka o koya ni bau dredre dina vei ira na tu vakanakoro n akena oqo e na kena biu tu ga mai na naba.
Sega na i vakatakilakila se i taba me keimmai bau kila rawa me vaka e liu, e kaya.
E kaya o koya ni vaka me vunitaki.
Kaya talega o koya ni sega nia sega ni bau vaayacori taumada edua na vuli mera bau kila na sa qase sara na veisau vovou e mai yaco e na veidigidigi oqo merawa nira kila vakavinaka tiko ni bera nira laki toqa.
E tomani tiko nikua na veidigidigi taumada e na veiyasai Viti Levu, Vanua Levu, Lomaiviti, Lau kei na i Wasewase na Tokalau.
Rauta nira lewe 66,048 na dau veidigitaki mata era gadreva mera na veidigidigi e na veidigidigi taumada ka vakacagau e na i karua ni macawa oqo ka na mai cava tiko e na Vakaraubuka oqo.
Kaya na vakailesilesi liu ni Veidigidigi o Mohammed Saneem ni levu na vanua e vakayacori kina na veidigidigi taumada e yaco tiko e na loma ni colo kei na veiyatu yanuyanu e Viti Levu kei Vanua Levu.
Kuria ka kaya ni tiko e na 525,038 na levu ni dau veidigitaki mata ena posi se o ira era na veidigidigi e na i ka 17 ni Seviteba.
E na matanifika ka virikotori oqo, era lewe 591,086 era na vakaitavi e na veidigidigi levu ni 2014.
E vakadeitaka o Saneem ni na yadrava tiko na bola ni veidigidigi o ira na ovisa ka na maroroi taucoko tiko e na volau nei William & Gosling e Wailekutu.
