qo, ka mo dou tudei ga; dou vakasara ki na lomamudou, ko i kemudou na dau vukitani.
Dou vakananuma na ka makawa e liu ni sa i au na Kalou ka sa sega tale e dua: sa i au na Kalou ka sa sega e dua me keirau tautauvatakaya, ka?u sa dau tukuna na kena i vakataotioti mai na kena i vakatekivu, ia, mai na gauna e liu ka?u sa tukuna na ka sa bera ni caka; kau a kaya, Na noqu lewe e na tu ga.
Sa mai yala toka na nona i talanoa o Petero Mode e na nona vakamacalataka tiko na levu ni veika e vakaraitaki vua e na yabaki 1993.
Ni tei wiliwili sara yani:
E kaya o Mode ni oti na kena tukuni vua ni na bulu na vanua e papitaiso kina, e sa qai vakabauta ni kadinataki tiko na veika e sa yaco tiko.
kuria ni yabaki vata ga oya e tukuni kina vua ni
Tomana ni vuqa na gauna e gole kina vei ira na i Talatala ni lotu, era tukuna tikoga me lotu ga vakaukauwa ka me kua ni taqaya taka e dua na.
Ia, na ka e leqataka tiko o Mode de rairai era nanuma tiko na lewe ni vanua de sa lialia tiko.
?Dua na siga, au dadabe tikoga e vale au, sa vakasamataka sara mada me?u kauti au ki vale ni vakaleqai ni vakasama ka tiko mai na vunivaivai levu mai Nauluvatu,? e kaya.
Kuria o Mode ni yaco ga yani sa la?ki dadabe sara toka, ka tarogi koya sara mai e dua na nasi, ka tukuna sara vua ni via raici vuniwai.
Na gauna e sa yaco mai kina o vuniwai sa kacivi koya sara e na rumu ka tarogi koya se cava e vinakata.
Sa qai kaya o Mode ?Kemuni na marama Vuniwai, au vinakata mo ni vakadikevi au mada, vakaveiau e sa leqa tiko na noqu vakasama.?
Tomana ni via sige ga vakalailai na bati vuniwai, ka tukuna vua ni kevaka e leqa na nona vakasama, e dodonu me dua e kauti koya mai, ka sega ni lako taudua tu ga mai.
Sa qai kaya o vuniwai, sa vinaka au sa na vakalewena rawa na nomu fomu ni se bera ni?u na qai tarogi iko.
Dede ga vakalailai sa kaciva sara mai o vuniwai e dua na nasi me mai vakalewena na yacana, yabaki kei na nona koro.
Na gauna sa oti kina sa qai tarogi koya o vuniwai ka vaka,?Vakacava ke kama e dua na vale, cava o na cakava?
Kaya sara yani o Mode ni na dro i tuba, ka na kere veivuke vei ira na tamata me ra kauta mai na vokete wai me mai sui kina na kama.
Oti ga oya mai volavola tale toka yani vakalailai o vuniwai, ka mai wele sara tiko.
Sa wawa toka o Mode, sa votivoti tale vua na dadabe taudua, ka sega ni via kauwaitaki koya tale yani o vuniwai.
Tomana o ni sa qai tucake ka taroga vei vuniwai se cava sara mada e leqa tiko vua.
Sa qai kaya mai o vuniwai, ni sa rawa ni lesu tale i vale, baleta ni donu vinaka na nona i sau ni taro, ka sega ni leqa na nona vakasama.
Na gauna e sa curu kina i tuba o Mode, sa qai kacivaka mai o vuniwai,? Mode kevaka e dua na siga o na qai lesu tale mai, kakua ni qai leqataka, baleta ni sa vakaleweni rawa tu na nomu fomu.?
Ena qai kuri tale yani
