OQO na i kuri ni nona i tukutuku o Lekima Lawenitoakula na turaga ka bula vata tu kei ira na Jiu mai Isireli me ciwa na yabaki.
O Lawenitoakula e turaga ni Narewa, Ra, ni wilika sara yani na nona vosa ni veivakadeitaki vei keda na kawa i taukei.
Ki Mitzion Tetzei Torah, Udvar Adonai-Mirushelayim,
For out of Zion, shall go forth the Law and the World of the Lord from Jerusalem,
Ni na lako yani mai Saioni nai vunau kei na vosa i Jiova mai Jeruisalemi.
Na i Vakarua 30:19-20.
Au sa cavuti lomalagi kei vuravura e daidai me kila niu sa tauca e matamuni na bula kei na mate, na veivakalougatataki kei na veicudruvi.
Ia, mo ni digitaka mada na bula ko ni bula kina, koi kemuni kei na nomuni kawa, mo ni lomani Jiova na nomuni Kalou, mo ni vakarorogo ki na niona vosa, mo ni kabiti koya talega.
Ni sa nomuni vuni bula ko koya, kei koya sa vakabalavutaka na nomuni bula, ka mo ni tiko kina ena vanua sa bubului kina ko koya vei iratou na nomuni qase, vei Eparama, vei Aisake kei Jekope me solia vei ratou.
E vakatalega kina vei keda na i taukei ni vanua oqo ko Viti, e a sa vosataka oti tu na Kalou vei ira na noda qase.
Sa bubului talega kina vaka ko koya (Kalou) vei ira na noda qase.
O ira talega na noda qase, era a sa solia oti tu vua na noda Kalou e na yabaki 1835, me lewa ka kena i liuliu talega, ka kena i balebale ni vanua oqo ko Viti esa vanua va Kalou.
Eda vakadinata ka ni sa vanua ni vakacegu, sautu, ka sa vanua kalougata talega, ia, me na vakayacori tikoga kina na lomana e na veigauna kece.
Oqo e dua na veidinadinati era a sa cakava oti tu na noda qase vata kei na noda Kalou bula ko Jiova.
Na vanua oqo ko Viti e sega ni nodra vanua na kai Idia, e sega talega ni mai nodra vanua na kai Jaina.
Oqo na noda vanua na i Taukei, ena rarawa ni vakasama oqo, au sa kerei kemuni na wekaqu ena veiyasai Viti, mo ni yalovinaka, mo ni tei vosoti au tale mada.
Na levu a ni noda masulaka na noda vanua oqo na kena vinaka.
E dua na timi ni masumasu mai na Centenary era dau masumasu tiko e na veisiga Tusiti kece mai na 1-2 na kaloko ena veisigalevu.
Ke rawa talega ni da dau tovolea me da masu vata e na gauna koya.
Me vaka au sa dau tetewaitaka tikoga, na levu ga ni noda masu na kena vinaka.
Ena levu sara na ka eda na masulaka mai, io, me da kakua ni guilecava na noda i Liuliu ni matanitu, me da dau masulaka sara vakalevu na yalona (Isikeli: 18;4) Ni sa lewa na vei yalo kecega na Kalou yalo ni qase kei na yalo ni gone, na Kalou ga e na qai uqeti koya ki na dina.
Me masulaki talega vakalevu na bula nei Vuni Lawa, me na dau cakacaka tiko vakadodonu ka vakasavasava talega.
E sa na levu sara na gauna eda sa na dau veitalanoataka tiko kina na noda matanitu oqo, na kena veiliutaki kei na kena veiqaravi eda sa na ririkotaka tiko na vanua sa mua tiko kina na noda matanitu e na gauna oqo, eda raica talega ni sa levu sara na ka e sa veiveisau tiko mai.
Sa levu talega vei keda, eda sa vakaisaisa tiko, ka kaya o Viti ena siga ni mataka.
Kemuni na wekaqu e na levu sara na vosa eda na tukuna, io, e sa dina sara, baleta ni mositi keda dina tiko na noda vanua.
Au na via vakadeitaki keda ga e na nona vosa na Daunisame ko Tevita na Jiu/Iperiu/Isireli-Same 46:10 Dou tikolo mo dou kila niu sa Kalou kau na vakalevulevui ena vei matanitu, kau na vakalevulevui e vuravura.
Sa tiko vata kei keda ko Jiova ni lewevuqa, a noda i drodro na Kalou i Jekope.
Meu vakaruataka na Same46:10, kaya ne na nona vosa; mo dou tikolo, mo dou kila niu sa Kalou.
Ena rarama ni vakasama oqo, e sa via vakadeitaka tiko vei keda na noda Kalou bula ko Jiova, oya me da kakua ni qai via vakaogai keda tale me da na veitalanoataka na veika eso me baleta na vanua esa mua tiko kina oqo na noda matanitu, o keda me da dalaga ga vakalevu vua na noda Kalou.
Same 41:10 Dou dalaga vakalevu ena qai vakamamautaki kemudou ko koya, ni da dau tikolo me vaka na dina ni nona vosa, eda na qai dau raica na kaukauwa ni Kalou.
Jeremaia 33:3 Dou tagi mai vei au, au na qai rogo yani vei kemudou, au na qai vakaraitaka vei kemudou na veika dredre sa sega ni kilai-dou sa sega ni kila.
Na ka bibi e tiko, o keda meda yalovata ga, me da masulaka vata na noda vanua lomani oqo ko Viti.
Tukuna na Kalou vei Aisea, kakua ni ko rere, kakua ni ko taqaya niu sa nomu Kalou, kau sa tikovata kei iko, kau na vukei iko; kau na vakaukauwataki iko, io, kau na tokoni iko e na ligaqu i matau sa dau diina.
Aisea 9:6 Ena soli mai e dua na gone me noda, sa voleka na Siga ni Sucu, vakadeitaki iko tikoga vei Jisu o koya na vunibula, ka vuni vakacegu talega.
Na mura kei na koula kei na drega era sa ka walega vua, e gadreva ga ko koya mo lesu vua.
O iko na i liuliu ni matavuvale, na i liuliu ni Mataqali, na i liuliu ni Yavusa, na i liuliu ni Vanua se na i liuliu ni Matanitu, e dodonu mo vakadeitaki iko tikoga vei Jisu, eda na dau bula voli e na dua na bula ni tawa vakacegu.
Cakacaka 16:30 Taro na i vakatawa ni valeniveivesu mai Filipai, A cava meu kitaka meu rawata kina na bula?
Kena i sau: Mo vakabauta na Gone Turaga ko Jisu Karisito, ko na bula vinaka kina vata kei na nomu lewe ni vale.
Kevaka e na vinakata na i liuliu ni noda matanitu me na ka taucoko na nona veiliutaki, io, o koya me na kakua ni cakitaki Jisu, se na FijiFirst me kakua ni cakitaki Jisu.
O ira na Isireli e sa rui kaukauwa na nodra vakabauta na nodra Kalou.
Na matanitu ko Isireli e dau vakaliuca na lotu- me dau solia na i vakasala vua na matanitu.
Na lotu e dau sega ni galu vakadua,
Ni dau sega ni tau na uca e Isireli, e dau soli vakasala na lotu me ra cavutu na lewe ni Palimedi me ra lako kina Wailingg Wall, mera klaki masulaka vata ka kerea vua na nodra Kalou me tau na uca.
Na masumasu oqo e tkivu saraga mai vua na Paraiminisita ka kauta sobu ki ra vata kei ira na qase ni lotu.
Io, e dau sauma vakaidina na Kalou na nodra masum ka dau vakatauca mai na uca vei ira.
Ena qai kuri tale yani
